Hittudományi Folyóirat 15. (1904)
Dr. Huszár Elemér: A visitatio liminum
700 DK. HUSZÁR ELEMÉR. bonis stabilibus privare totis viribus niterentur; obstitit potenter Archiepiscopus, eorumque conatus elusit, effecitque ut ad meliora tempora, pacis videlicet in Imperio possessionis bonorum quaestio differetur, quod pro re iam obtenta haberi, non immerito potest, Jesuitarumque in Regno mansio prorsus stabiliretur, fieretque indubitata. Ad 3-um Barones et principales Dynastae, per Dei gratiam plures sub regimine Archpi ad gremium S. Matris Ecclesiae accesserunt: utpote Dnus Comes Franciscus Nadasdy qui in bonis suis multa millia subditorum, ex primis totius Regni Dynastis, secum traxit, integra Oppida convertit, prope quinquaginta Praedicantes exturbavit; idem fecerunt alii proportionaliter qui Religionem Catholicamsunt amplexi. Columna et spes Lutheranorum Comes Gabriel Illés- hazy recenter 21 Augusti confessus, iam ante frater eius Comes Georgius Illeshazy ex potentissimis totius Regni Magnatibus; item Baro Valentinus Csöbör, Baro Michael Viskelethy, Baro Stephanus Illeshazy, Baro׳ Thomas Illeshazy cum uxore, filiis, totaque familia, Baro Adamus Vécsey, cum tota familia, Baro Petrus Zay, Baro Joannes Forgács et alii; usque adeo, ut ex centum Baronibus vix iam amplius septem aut octo numerentur heretici. — Ex nobilitate minori quam plures, ex plebe integra oppida, et pagi, plura millia utriusque sexus. Nec defuerunt Praedicantes quoque nonnulli, qui abiurata heresi, fidem catholicam amplexi sunt. Et quidem si permissi fuissent uti sua potestate, Nobiles et Barones quemadmodum ante tumultus Rakoczianos, expel- lendo ex bonis suis Praedicantes, universum prope Regnum, intra breve tempus fuisset Catholicum. Verum animadvertit hoc inimicus omnis boni, et armis ac ferro rebellioneque extorsit ne deinceps Baronibus ac Nobilibus etiam ex pro- piis bonis Praedicantes expellere fas esset, aut plebem in sua religione turbare, clausitque hoc ostium magnum con- vertendarum animarum. Institere etiam vehementer haeretici, ut iam ante sic adempta illis Templa restituerentur, eratque in universum numerus templorum quae repetebantur, com- putatis omnibus prope mille: tandem effectum in iisdem
