Hittudományi Folyóirat 15. (1904)
Dr. Hám Antal: A szerzetesrendből való elbocsátás és kizárás
62 DR. UÁM ANTAL. Decretum. Instantibus Procuratoribus Generalibus Religiosorum Ordinum pro moderatione Decretorum de Apostatis et eiectis editorum a Sacra Congregatione Concilii et sa. me. Urbano Papa VIII. anno 1624. confirmatorum, ut facilior modus incorrigibiles eiiciendi praescribatur, Sacra Congregatio a Sanctissimo Domino Nostro Innocentio Papa XII. super praemissis particulariter deputata, eminentissimorum S. R. E. Cardinalium Carpinei, Casanate, Mariscotti, Norfolcia, de Lauraea, de Aguirre, et Colloredi, perpensis eorundem Procuratorum Generalium votis, ne consortio morbidarum pecudum ceterae corrumpantur, et remedia hucusque ad sanitatem oblata male affectis officiant magis, quam prosint, maturo examine, zelo regularis disciplinae conservandae censuit, statuit, et auctoritate eiusdem Sanctissimi Domini Nostri sibi specialiter attributa, haec in posterum servanda decrevit. 1. Quod firmis, ac in suo robore semper manentibus praedictis decretis de Apostatis, etiam secundum eam par- tem, ubi agitur de eiectis, et eiiciendis, tamquam Sacris Canonibus, et communiori SS. Patrum menti conformibus quoad eiectos, eadem serventur, quae in alio simili decreto hac praesenti die emanato de Apostatis et Fugitivis statuta sunt et indulta, quodque ad praescriptam legem sa. me. Gregorii IX. in cap. final, de regül, annuatim fugitivi requirantur, et respective cogantur ad claustra reverti. 2. Quod annus integer, qui in praedictis Decretis anni 1624. praescribitur, in poenitentia, et ieiunio ad eiiciendos incorrigibiles, ad sex tantum menses continuos in posterum coarctetur et restringatur. 3. Quod facultas Generalibus Ordinum de consilio et assensu sex ex gravioribus Religiosis in singulis capitulis et Congregationibus Generalibus ad causas eiiciendorum eligendis attributa extendatur etiam ad quoscumque Pro- vinciales, qui electis pariter in Congregationibus Provin- cialibus sex gravioribus de propria Provincia Religiosis a
