Circulares litterae dioecesanae anno 1937. ad clerum archidioecesis strigoniensis dimissae
IV.
18 népek nemzeti érzését — bármily viszonyban is legyünk különben országukkal — legcsekélyebb mértékben is sérthetné. A nagy keresztény katolikus közösség tagjának kell, hogy érezze magát itt mindenki, aggodalom nélkül jöhessenek és megelégedve távozhassanak vendégeink! Sokszor kérjük Sz. István király közbenjárását is előkészítő munkánkra és magukra az ünnepi napokra. Esztergom, 1937. április 20. Nr. 1210. De facultatibus indulgentias piis operibus aut devotionis obiectis adnectendi. Sacra Poenitentiaria Apostolica die 20. Martii 1933. decreto „Consilium suum persequens“, restrinxil facultates indulgentias adnectendi piis operibus aut devotionis obiectis. (Cf. Cire. 1933. 32, 37). Quoad decretum modo nominatum dubia proposita sunt quae sequuntur: I. An Clericus, qui nomen dederit piis fidelium associationibus ante memorati Decreti evulgationem, frui possit facultatibus in eodem Decreto recensitis vixdum sacrum Presbyteratus Ordinem susceperit. II. An Sacerdos, ad Confessiones non approbatus, qui, uti supra suum nomen dederit ante Decreti evulgationem, frui valeat praedictis facultatibus. Et Sacra Paenitentiaria Apostolica die 23. Februarii 1937. respondendum censuit: Ad I. Negative. Ad II. Affirmative, exceptis tamen facultatibus adnectendi Indulgentias Apostolicas et Plenariam „in articulo mortis“, quae exerceri nequeunt nisi post obtentam approbationem ad excipiendas sacramentales Confessiones. Facta autem de omnibus relatione SSmo D. N. Pio div. Prov. Pp. XI. in audientia habita ab infra scripto Cardinali Paenitentiario Maiore die 27. mensis nuper elapsi, Sanctitas Sua resolutionem approbavit, confirmavit et publicandam decrevit. Datum Romae, ex aedibus Sacrae Paeni- tentiariae, die 2. Martii 1937. — L. Card. Lauri, Paenitentiarius Maior. L. -j- S. S. Luzio, Regens. Strigonii, die 22. Aprilis 1937. Nr. 1211. Missa votiva D. N. Iesu Christi, Summi et Aeterni Sacerdotis. S. Rituum Congregatio die 24. Dec. 1935. missam votivam D. N. Iesu Christi, Summi et Aeterni Sacerdotis publicavit. Insequenti anno autem, die 11. Martii 1936. eadem S. Congregatio decretum „Duobus abhinc annis“ publicavit, cuius tenore Beatissimus Pater „indulgere dignatus est, ut primis feriis V. cuiusque mensis in ecclesiis vel oratoriis, ubi de consensu respectivi Ordinarii peculiaria exercitia pietatis pro Cleri sanctificatione mane peraguntur, una Missa votiva de lesu Christo Summo et Aeterno Sacerdote litari possit, dummodo non occurrat festum duplex primae vel secundae classis, quodlibet festum, vigilia aut octava Domini, Commemoratio Omnium Fidelium Defunctorum ; prohibetur etiam diebus 2, 3 et 4 Ianuarii, in quibus legatur Missa „Puer natus“ infra Octavam Nativitatis : salva semper Missa conventuali et parochiali. Annuit insuper eadem Sanctitas Sua, ut loco feriae V. etiam primo Sabbato mensis de consensu Episcopi cum praefatis privilegiis dictum Pium Exercitium peragi valeat, servatis tamen praescriptis iniunctionibus. Contrariis non obstantibus quibuscumque.“ Nuperrime vero R. P. Pancratius Pfeiffer, Superior Generalis Societatis Divini Salvatoris, Sacrae Rituum Congregationi haec humillime subiecit dubia, pro opportuna declaratione: I. An in Missa hac votiva de Christo, Summo et Aeterno Sacerdote, concessa pro primis feriis quintis cuiusque mensis, dicendum sit Gloria et Credo? II. An quando haec Missa impediatur a festo superioris ritus, duplicis nempe primae vel secundae classis, loco Missae impeditae dici possit eiusdem commemoratio sub unica conclusione cum prima oratione festi ? III. Quo colore missa votiva de lesu Christo, Summo et Aeterno Sacerdote, sit celebranda? Sacra Rituum Congregatio, mature consideratis expositis, audito quoque Commissionis specialis suffragio, his precibus prae- laudati Superioris Generalis respondendum censu it: Ad. I.: Affirmative ex gratia; Ad II.: Affirmative, dummodo non oc- curat festum D. N. Iesu Christi, aut eius Octava; Ad III.: Adhibeatur color albus. Facta postmodum de his omnibus Sanctissimo Domino Nostro Pio Papae XI. relatione per infrascriptum Cardinalem Sacrae Rituum Congregationi Praefectum, Sanctitas Sua sententiam ipsius Sacrae Congregationis ratam habuit et confirmavit. Contrariis non obstantibus quibuscumque. Die 25 novembris 1936. — C. Card. Laurenti, Praefectus. L. -J- S. A. Carinci, Secretarius. Strigonii, die 22. Aprilis 1937.
