Circulares litterae dioecesanae anno 1933. ad clerum archidioecesis strigoniensis dimissae

VI.

Nr. 1622.

Visitatio

parochiarum

indicitur.

Episcopi, quilms pascendi Dominici gregis munus est demandatum, sancta Ecclesiae lege tenentur in serie annorum dioecesim suam in forma Canonicae Visitationis perlustrare eo tine, ut perspectum habeant, qua ratione tides et mores ibidem consistant, quid firmare, quidve corrigere teneantur tum in cultu divino tum in exercitio religionis. Jam Concilium Tridentinum hanc obligationem in Sessione XXIV. c. 3. disertis verbis inculcavit et Codex Juris Canonici can. 343 hisce verbis antiquam legem canonibus suis incorporavit: „Ad sanam et orthodoxam doctrinam conservandam, bonos mores tuendos, pravos corrigendos, pacem, innocentiam, pietatem et disciplinam in populo et clero promovendam ceteraque pro ratione adiunctorum ad bonum religionis constituenda, tenentur Episcopi obligatione visitandae quotannis dioecesis vel ex loto vel ex parte, ita ut saltem singulis quinquenniis universam vel ipsi per se vel, si fuerint legitime impediti, per Vicarium Generalem aliumve lustrent.“

Ex quo dioecesim nostram regendam susceperamus, Nostrum esse duximus ad mentem praedictae legis parochias data opportunitate visitare. Nunc vero per visitationem infra paucos menses in tota archidioecesi peragendam statum eiusdem ex integro cognoscere cupimus. Cum vero tum ob amplitudinem dioecesis tum ob multiplicia, quibus premimur, negotia infra paucos menses hanc visitatonem perficere non valeamus, facultate utimur, quam lex supradicta mihi concedit, designandi viros ecclesiasticos, qui nomine meo ecclesias visitent. Et quidem designavimus :

1. Pro Vicearchidiaconalibus Strigonien.,

Dorogén., Bajáién., Csolnoken.:

Illmum ac Rmum D. Joannem Drahos

2. Pro Vicearchidiaconalibus Budensi et

Pestiensibus :

Excmum ac Rmum D. Stephanum Breyer eppum auxiliarem.

3. Pro Archidiaconalu Nógrádiensi:

Illmum ac Rmum D. Stephanum Csárszky archidiaconum.

>t. Pro Archidiaconata Hontensi:

Illmum ac Rmum D. Julium Machovich Vicarium Generalem.

5. Pro Archidiaconalu Komáromiensi:

Illmum ac Rmum D. Ladislaum Báthy archidiaconum.

Praedictis viris necessariam et opportunam facultatem delegavimus ad hoc, ut ea quae vitio et negligentia pastorum animarum j vel iniuria temporum collapsa sunt, diligenter inquirere et compertis defectibus congruam medelam alferre possint, monendo scilicet Curiones sacros, arguendo, increpando, quos opus est, alios autem hortando, ut in bono consistant, omnibusque inculcando, ut spe retributionis aeternae digne ministerio suo ambulent.

Volumus ut visitationes usque ad 15 Octobris finiantur et relationes respectivae Nobis tempestive exhibeantur.

Visitatores delegati Nobis opportuno tempore significabunt, quando qualesque parochias sibi assignatas visitare cupiant. Accepta huiusmodi significatione iubebimus, ut interrogatoria Curionibus ecclesiarum mittantur in duobus exemplaribus complenda, quorum unum in archivo dioecesano, alterum in archivo parochiali erit custodiendum.

Curiones responsa ad interrogatoria diligenter praeparent atque ad adventum visitatoris parata in promptu habeant.

Dum haec ad notitiam Venerabilis Cleri perferimus, simul Deum instanter oramus, ut laborem suscipiendum gratiis adiuvet et consilia in visitatione capienda sinat cedere ad maiorem Suam gloriam, ad aedificationem populi Christiani et ad salutem animarum Nobis concreditarum.

Strigonii, die 25. Maii 1933.

7