Circulares litterae dioecesanae anno 1929. ad clerum archidioecesis strigoniensis dimissae

I.

4

temerario contraire. Si quis autem hoc attentare praesumpserit, indignationem omnipotentis Dei ac beatorum Petri et Pauli Apostolorum eius se noverit incursurum.

Datum Romae apud S. Petrum, die YI. mensis Ianuarii, in festo Epiphaniae Domini, anno millesimo nongentesimo vicesimo nono, Pontificatus Nostri septimo.

Fr. Andreas Card. Frühwirlh,

Cancellarius S. R. E.

Laurentius Card. Lauri, Poenitentiarius Maior.

Joseph Wilpert, Decanus Coll. Proton. Apóst.

Dominicus Jorio, Protonotarius Apóst.

Loco -j- Plumbi.

Reg. in Cane. Ap., vol. XXXIX, n. 37. M. Rigi.

*

I. Prouti hanc Constitutionem Apostoli- cam attente perlegenti facile patet, conditiones lucrandi Iubilaei aliae sunt, ac anno 1926. fuerunt. Scilicet hac vice pro lucranda Iubilaei indulgentia conditiones statutae sunt huiusmodi: 1. Visitatio designatarum ecclesiarum ibidemque preces fundendae ad mentem Summi Pontificis, sc. generatim pro conversione peccatorum, pro exstirpatione haere- sum ac schismatum, pro concordia princi- pum. 2. Ieiunium et abstinentia duobus diebus, quibus nec ieiunium nec abstinentia est praescripta. 3. Confessio sacramentalis praeter praeceptam confessionem annuam et communio Eucharistica extra communionem paschalem. 4. Eleemosyna largienda in aliquod opus pium, praecipue in Opus Propagationis et Praeservationis Fidei.

II. Quod ad designationem ecclesiarum attinet, pro archidioecesi Nostra haec decernimus :

Visitandae sunt his sive eodem sive diversis diebus:

a) in Civitate Nostra Residentiali: ecclesia Metropolitana, ecclesia parochialis ad S. Petrum et Paulum L. R. Civitatis et ecclesia pároch, ad S. Ignatium Civit. Aquaticae;

h) in Civitate Budapestinensi: ecclesia Coronationis in arce Budensi, ecclesia pároch, ad Assumptionem B. M. V. (Belváros) et ecclesia pároch, ad S. Stephanum Protoregem (Lipótváros);

c) Aliis locis huius archidioecesis Stri- goniensis parochus extra ecclesiam parochia- lem alias duas ecclesias vel oratoria publica, ubi missa celebrari solet, auctoritate Nostra designet. Quod si tot ecclesiae non habeantur, parochus designare potest duas (unam extra suam ecclesiam parochialem), sed in

tali casu tres visitationes peragi debent. Imo si extra ecclesiam parochialem nulla alia habeatur, et aliae ecclesiae parochiales valde distent, parochus suam ecclesiam solam pro visitationibus sufficientem declarari poterit ea tamen ratione, ut visitatio in eadem peragenda sexies repetatur.

III. Siculi Anno Sancto superiore fideles parochiani visitationes praescriptas processio- naliter peragere solebant, hoc anno Iubilari idem fieri percupimus. Visitatio processiona- liter facienda bis repetatur in aliqua vicina ecclesia parochiali, quam parochus, qui processioni praeerit, auctoritate Nostra designaturus sit. Qui duabus visitationibus proces- sionaliter faciendis interfuerint, ad ulteriores visitationes pro lucranda indulgentia non tenebuntur. Processionem huiusmodi pubes scholaris, duce catecheta, instituere poterit ad quamcunque ecclesiam vel oratorium publicum, quod catecheta Nostra auctoritate designabit. Pro pube scholari obligationi visitandi templa processione unica fiet satis.

IV. Confessarii, ad tramitem Constitutionis Apostolicae, facultates hucusque habitas retinebunt, imo ultra illas absolvere valebunt ab omnibus casibus sive cum censura sive sine censura reservatis, exceptis censuris specialissimo modo S. Sedi reservatis, quae pro violatione secreti S. Officii, pro abusu specie- rum consecratarum (c. 2320), pro violenta manus iniectione in Romanum Pontificem (c. 2343), pro absolutione complicis (c. 2367) et pro violatione directa sigilli sacramentalis (c. 2369) statutae sunt. Casus, quem Constitutio Apostolica ad mentem decreti S. Poenitentia- riae die 16. Nov. 1928. dati excipit, nostris regionibus vix occurret, cum is circa eos versetur, qui consociationi vulgo Aetion jran- caise addictos, spretis Apostolicae Sedis decretis, sacramentaliter absolverint. Confessarii recte in mente teneant facultatem absolvendi a censuris dictis applicari posse iis tantum, quibus sincerus est animus Iubilaeum lucrandi.

V. Indulgentia plenaria Iubilaei, sibi vel animabus Purgatorii applicabilis, durante hoc anno, pluries acquiri potest, si conditionibus statutis pluries satisfactum fuerit. Verum confessarii facultatem absolvendi a censuris et casibus reservatis, tenore Apostolicae Constitutionis concessam, tum tantum applicare valent, quando indulgentia prima vice acquiritur. Si tamen, antequam conditiones adimpletae et indulgentia prima vice acquisita esset, idem poenitens cum sincero animo lucrandi Iubilaeum pluries absolutionem a censuris reservatis petierit, confessarii facultate absolvendi etiam pluries uti poterunt.

Strigonii, die 17. Januarii 1929.