Circulares litterae dioecesanae anno 1929. ad clerum archidioecesis strigoniensis dimissae
III.
15 Nr. 1959. Breyer Stephanus Eppus tit. Trisipensis et auxiliaris Strigonien. PIUS EPISCOPUS, Servus Servorum Dei, dilecto Filio Stephano Breyer, Archicapituli Metropolitanae Ecclesiae Strigoniensis Canonico et eiusdem Archidioecesis Seminarii Rectori, electo Episcopo titulari Trisipensi, salutem et apostolicam benedictionem. Commissum humilitati Nostrae ab aeterno Pastorum Principe supremi Apostolatus officium, quo universo christiano orbi praesidemus* Nos impellit ut curemus ne memoria pereat illarum Ecclesiarum, quae virtutum splendore et religionis prosperitate olim floruerunt, etsi modo temporum vicissitudine et imuria pristinam amiserint fulgentem gloriam. Cum itaque episcopalis Ecclesia titularis Trisipensis sub Archiepiscopo Carthaginensi certo modo vacans existat Nos, de venerabilium Fratrum Nostrorum S. R. E. Cardinalium consilio, Te ad eam apostolica auctoritate eligimus eiusque Tibi titulum conferimus cum omnibus iuribus et privilegiis, oneribus et obligationibus sublimi huis dignitati inhaerentibus. Te insuper, ita charactere et dignitate episcopali auctum, de ipsorum Cardinalium consilio eademque suprema Nostra auctoritate, venerabilis Fratris Justiniani Georgii tituli S. Cregorii ad Clivum Scauri Presbyteri Cardinalis Serédi, hodierni Archiepiscopi Strigoniensis, in Auxiliarem constituimus ac deputamus, ut ipsi in pontificalibus exercendis aliisque pastoralibus muneribus obeundis adiumentum praestes, ita tamen ut haec nonnisi de ipsius Justiniani Georgii Archiepiscopi consensu et licentia in civitate et Archidioe- cesi Strigoniensi obire possis. Volumus autem et mandamus ut, ceteris quoque impletis de iure servandis, antequam episcopalem consecrationem recipias, in manibus alicuius quem malueris catholici Antistitis, gratiam et communionem Sedis Apostolicae habentis, catholicae fidei professionem emittere ac sueta iuramenta praestare iuxta statutas formulas, harum- que exemplaria, Tui dictique Antistitis subscriptione ac sigillo munita, ad Cancellariam Apostolicam infra sex menses transmittere omnino tenearis. Ad hoc Antistiti a Te electo professionem ac iuramenta illa Nostro et Romanae Ecclesiae nomine recipiendi munus ac mandatum per praesentes committimus. Firmam autem spem fiduciamque concipimus fore ut, dextera Domini Tibi assistente propitia, Strigoniensis Ecclesia per tuam cum ipsius Archiepiscopo assiduam cooperationem et studium fructuosum prospera in spiritualibus ac temporalibus incrementa suscipiat. Datum Romae, apud S. Petrum, anno Domini millesimo nongentesimo vigesimo nono, die quinta mensis Aprilis, Pontificatus Nostri anno octavo. A. L. Er. Andreas Card. Frühwirth m. p. Cancellarius S. R. E. Joannes Zani Capielli m. p. Prot. Ap. Dominicus Spol- verini m. p. Prot. Ap. Can. Alfridus Liberati, m. p. Cane. Apóst. Adiutor a studiis. Dominicus Francini, m. p. Script. Aplicus. Expedita die decima secunda mensis Aprilis Anno „Octavo“. Alfridus Marini m. p. Plumbator. PIUS EPISCOPUS, Servus Servorum Dei, dilecto Filio Stephano Breyer, electo Episcopo titulari Trisipensi, salutem et apostolicam benedictionem. Nos Tibi, in Episcopum titularem Trisipensem hodie a Nobis electo, facultatem peramanter concedimus episcopalem consecrationem extra Urbem recipiendi ab aliquo quem malueris catholico Antistite, assistentibus ei duobus aliis catholicis Episcopis, dummodo gratiam ipsi habeant et communionem Sedis Apostolicae. Stricte vero praecipimus ut, nisi prius fidei catholicae professionem emiseris ac sueta iuramenta praestiteris iuxta statutas formulas, nec Tu consecrationem praedictam recipere audeas, nec eam Tibi impertiatur Antistes a Te electus, cui propterea professionem ac iuramenta illa Nostro et Romanae Ecclesiae nomine recipiendi, nisi Tu ea coram alio Antistite iam antea 3
