Circulares literae dioecesanae anno 1927. ad clerum archidioecesis strigoniensis dimissae
II.
Nr. 363. Summus Pontifex pro votis gratias agit. Appropinquantibus festis Natalitiis iucun- dissimum mihi fuit Summum Pontificem votis prosequi nomine nedum proprio, sed et fidelium mihi commissorum teslimoniumque praebere iiiialis amoris, quo Eidem devinctos, quotquot in Nostra archidioecesi exi- stant catholici, se profiteantur. Sanctissimus Pater autographas litteras, amore plenas, ad Nos dedit significaturus, quam grata Ipsi officia nostra acciderint. Textum Pontificiarum litterarum reverenter exceptarum pro communi solatio in extenso communicamus. „Dilecto Filio Nostro Joanni Tit. S. Eusehii S. R. E. Presb. Cardinali Csernoch Archiepiscopo Strigoniensi PIUS PP. XI. Dilecte Fili Noster, salutem et apostolicam benedictionem. Dubium Nobis non erat quid maxime in votis haberes quidque impense a Deo petiturus esses, cum Natalitia sollemnia adventarent: noveramus enim pietatem qua Nos prosequeris et studium quo flagras, ut Ecclesia sancta, praesentibus erepta malis, tuta fruatur pace et late per terrarum orbem universum beneficam vim suam diffundat feliciter. Grata sane haec Nobis fuere officia, eo magis quod nuntiabas valde in tua archidioecesi revirescere fidem et erga Christi Vicarium populi amorem augeri qualem, ut ais, conspicere anteactis saeculis vix concessum fuit maioribus vestris. Perge igitur, una cum clero tuo, hunc religionis ardorem fovere, assiduis precibus apud Deum instando ut quantocius Jesu Christi regnum ubique gentium stabiliatur. Nos vero vicissim Deum precamur ut ea tibi gratiarum largiatur auxilia quae ministerium tuum leve et jucundum tibi, salutare gregi tuo, Ecclesiae decorum et frugiferum efficiant. Quorum munerum auspex itemque paternae benevolentiae Nostrae testis Apostolica sit Benedictio, quam tibi, dilecte Fili Noster, cunctoque tuo clero ac populo amantissime in Domino impertimus. Datum Romae apud Sanctum Petrum, die X. mensis Januarii anno MGMXXVII, Pontificatus Nostri quinto. Pius PP. XI. m. p.u Strigonii, die 11. Februarii 1927. Clerus et fideles Nostrae archidioeceseos, ut necessitatibus Apostolicae Sedis pro modulo suo succurrerent, anno elapso summam 2746 88 P qua Petrianam stipem obtulerunt, quam ad Patrem Communem promovere haud cunctati sumus. Accepta fuit Summo Pontifici haec significatio filialis amoris iussitque grates reddi per litteras, quas hic in extenso publicamus: „Dal Vaticano, die 25 Januarii 1927. Nr. 59344. E-mo ac Rev.-mo Viro Card. Joarmi Csernoch Archiepiscopo Strigoniensi-Strigo- niam. E.me ac Rev.me Domine Mi Obs.me, Cum probe sit cognitum imparem omnino esse Apostolicam Sedem necessitatibus, in immensum nunc auctis, sustentandi nempe tam multa fidei et caritatis opera per universum terrarum orbem, idcirco non parum de religione meruisse dicendi sunt ii fideles istius regionis, qui, te quidem cum clero hortante, Petrianam stipem P. 2746.88, per Apostoli- cum Hungáriáé Nuntium communi Patri miserunt. Itaque acceptum sane habuit Augustus Pontifex id amoris et observantiae officium; de quo debitas grates persolvens, id a Deo enixe rogat ut muneribus suis quam largissimis donatores istos benigne cumulare velit. Quorum caelestium bonorum conciliatrix itemque paternae benevolentiae pignus 2 Nr. 325. Summus Pontifex pro stipe Petriana gratias agit
