Circulares literae dioecesanae anno 1927. ad clerum archidioecesis strigoniensis dimissae

XI.

Electio Archiepiscopi annunciator.

Quod inde ab obitu Emi ac Ríni I). Joannis Cardinalis Csernoch quondam Archiepiscopi, Principis, Primatis Hungáriáé supplici ore a Deo flagitavimus. ut sc. tristem archidioecesis viduitatem auferret pastoremque orbato gregi praeficeret, id paucis ante diebus feliciter consecuti sumus. Etenim Summus Pontifex PP. Papa XI. gloriosissime regnans clementer decrevit ad sedem archiepiscopalem Strigoniensem evehere, imo sacri principatus honore ostroque Romano decorare

R EVEREN1) U M D OM IN U M

JUSTINIANUM SĽRÉDI

sodalem inclyti ordinis S. Benedicti, de christiano nomine propagando ubique terrarum tantopere meriti.

Elegit Summus Pontifex virum religiosae illius disciplinae quae, ab auctore monasticae vitae, S. Benedicto, in Ecclesiam invecta, sanctitatisque foecundissima apostolos nominis christiani abundanter peperit in toto orbe terrarum. Virtutibus religiosis Arehiepiscopus noviter constitutus inter septa monasterii nunquam non excelluit et qui vitae eiusdem absconditae testes fuerunt, exemplarem in eo religiosum noverunt ac coluerunt.

Virtutibus in eximio viro par est scientiarum colendarum studium. Notum est Arehiepiscopum clementissime electum Romae sacras disciplinas summa magistrorum laude absolvisse, adeo ut superioribus visum sit Eundem in Urbe retinere et labores scientifieos magni momenti curis Eiusdem committere. Addictus erat virorum eruditorum coetui, qui a Summo Pontifice f. r. Pio Papa X. in mandatum habuerunt dispersos iuris ecclesiastici fontes recentioris aevi usibus aptare et in unum Codicem redigere. Invenis religiosus, qui insolitae eruditionis vel in prima iuventute dederat iam testimonia. plures annos hisce laboribus impendit, quibus absolutis ad solum natale reversus est. ut furente bello qua militaris capellanus commilitones