Circulares literae dioecesanae anno 1927. ad clerum archidioecesis strigoniensis dimissae

VI.

ARCHICAPITULUM E. M. S.

VEN. CLERO ALMAE ARCHIDIOECESEOS STRIGONIENSIS

VENERABILES FRATRES,

SALUTEM IN CHRISTO REGE PLURIMAM.

Defecit gaudium cordis nostri, cecidit corona capitis nostri, nam quod iam diu anxi- eque metuebamus, accidit: siquidem Eminen- tissimus Pater Purpuratus, Princeps-Primas Regni Hungáriáé, insignis ordinis S. Stephani Regis Praelatus, Archipraesul nostri amantis- simus, post diuturnam corporis infirmitatem, mira animi patientia perpessam, sacrosancto aeternitatis pabulo identidem saginatus, sacramentis item moribundorum die 12 Julii ritu solemni ad praescriptum Caeremonialis Episcoporum munitus et singulari Augustissimi Pontificis Pii PP. XI benedictione apostolica affatim cumulatus, hodierna die, audita hora quarta Missa et pientissimo affectu sumpta SS. Eucharistia, hora tertio quadrante pro sexta placido exitu, cum maxime vivere illum oportebat, cessit e vita, atque, ut pie speramus, ad illam coelestem pervenit civitatem Jerusalem, in qua iustus et misericors Dominus, qui laborem et dolorem considerat, huius vitae cursum feliciter emensis aeternam quietem et refugium praestat. Cuius quidem patris amantissimi interitus, si nos filios summo amoris et incredibili officiorum vinculo iun- ctos, quos orphanos reliquit, acriter non moveret, publicae profecto iacturae ratio tangeret, efiiceretque, ut quotidie cibaremus nos pane lacrimarum. Etenim omnia, quae post deplorandam rerum publicarum et domesticarum eversionem: post funestam Hungáriáé cladem, omni calamitate maiorem, vix unquam

auditam: post crudelem patriae simul atque huius archidioeceseos corporis mutilationem, a quibusdam nefariis proditoribus, totidem versipellibus veteratoribus diu clanculum meditatam, astuto artificio fotam et haud absimili calliditate peractam : a prima Regni dignitate, Principe-Primate, miseris his afflictisque temporibus desiderari poterant, in eo cumulate nunquam non adesse videbantur. Omnes namque cogitationes, omnia consilia, auctoritate et prudentia et longo maximarum rerum usu collecta, ad utriusque reipublicae, sacrae quippe et civilis salutem contulit. Attamen plura huius generis de eo dicere supervacaneum plane esse videtur, quia haec omnia et novimus optime et feliciter experti sumus, eorum quoque bene gnari, quae ob illius obitum imperfecta manserunt.

Quare, quod huius temporis est proprium, convertamur cum fiducia ad Deum totius consolationis, ut consoletur nos in tribulatione nostra et exaudiat preces in excelso solio gloriae.

Animae ita demortui Archipraesulis aeterna gaudia precantes, circa lugubria pietatis officia, haec quae sequuntur disponimus :

Exanime corpus p. m. Archipraesulis, Patris Purpurati, ad ecclesiam cathedralem transferendum, expositum ibidem manebit usque ad depositionem, die 29. Julii pergendam, qua exequiis solemnibus ad tramitem praescripti Caeremonialis Episcopo-