Circulares literae dioecesanae anno 1926. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae

II.

8

In caeteris dioecesis nostrae civitatibus, oppidis pagisque, praeter parochiales, seu matres ecclesias, tres insuper filiales, vel in harum defectu, aut si iusto magis dispersae forent, duas loco trium, vel etiam unam praeter parochialem, licet in casu necessitatis extra ambitum parochiae sitas, vel in ecclesiarum defectu, capellas quoque puhlicas aut semipublicas, prudenti parochorum arbitrio designandas relinquimus ea ratione, ut ubi, poscente necessitate, tres solum, vel etiam duae tantummodo determinatae fuerint ecclesiae, fideles iis locis degentes aut commorantes a plurium ecclesiarum visitatione dispensati censeantur.

4. Volumus et hisce mandamus, ut in singulis civitatibus et oppidis et pagis, in quibus ecclesia parochialis praesto est, duae ad designatas ecclesias instituantur processiones. Quicunque sive ecclesiastici et regulares, sive saeculares, etiam peregrini, et aliarum parochiarum fideles, sollemnibus his processionibus, sacroque cantato occasione earum celebrando, intervenerint et caeteris superius memoratis conditionibus satisfecerint, se ab ulterioribus visitationibus, praeter duas praedictas, dispensatos intelligant. Si per publicas vias difficile est processionaliter incedere, sicuti ex. gr. Budapestini accidere potest, sufficit ut visitatio in ecclesia sollemniter communiterque fiat ab omnibus ibi una congregatis, quin per plateas versus ecclesiam ordo servari debeat processionis.

Confraternitates et piae uniones, si ducibus moderatoribus visitationes processionaliter instituant, sicuti fideles párochiani duce parocho vel vices eius gerente, eodem privilegio gaudeant, idest bis tantum visitationes ecclesiarum peragere debeant.

5. Archicapitulum Strigoniense, die per vicarium Nostrum Strigoniensem statuenda, sollemnem, praemisso in Ecclesia Metropolitana sacro, instituet processionem semel tantum ad eccl. SS. Petri et Pauli, necnon S. Ignatii peragendam, cui seminarii alumni cum suis superioribus et professoribus interessé debent, caeteri autem ecclesiastici aut etiam saeculares, praesertim archigymnasii et prae- parandiae scholares, praeeuntibus suis disciplinarum magistris, interessé possunt. Qui huic sollemni processioni interfuerint, se a quibuscunque aliis visitationibus dispensatos esse sciant.

6. Quoad pubem scholarem haecce statuimus : Pro discipulis maiorum institutorum, gymnasiorum caeterarumque scholarum unica instituatur processio ad aliquam ecclesiam, ubi iuventus scholaris missae assistat. Haec unica processio sufficit pro omnibus discipulis et moderatoribus instituti, quin necesse sit ulteriores facere visitationes ecclesiarum. Notandum est moderatores institutorum, ca- techetas seu directores spirituales, quorum arbitrio relinquimus ecclesiam designare, non tantum ex iis ecclesiis eligere posse, de quibus in nr. 3., sed quamcunque aliam, ad quam pubes scholaris commode accedere possit. Designationem pro approbatione Vicario Nostro submittere debent.

7. Moniales ad clausuram servandam obligatas, captivos in carceribus reclusos et infirmos et senes, qui aetatem septuaginta annorum superarunt, et operarios, qui ob labores continuos tempore ad visitationes peragendas requisito carent, confessarii a visitationibus ecclesiarum dispensare valent, commutando illas in alia pia opera. Item visitationes ad minorem numerum reducere vel concedere valent, ut visitationes, nulla habita unius eiusdemque diei ratione, seiungi pro lubito possint.

8. Facultates, quas Constitutio apostolica confessariis approbatis concedit, in extenso communicamus :

I. Confessariis illae integrae sunto facultates absolvendi, dispensandi, commutandi, quascumque ah hac Apostolica Sede vel in perpetuum vel ad tempus, quoquo pacto, legitime impetrarint; immo simul cumulate- que, ad iuris praescriptum, et pluries pro eodem poenitente sive iis omnibus sive his, quae mox concessuri sumus, uti valide et licite possint. Qualiscumque autem poenitens, cum confessionem iubilaei sincera lucrandae indulgentiae intentione instituit, absolutione, dispensatione, commutatione donatus erit, si postea, mutata voluntate, a complendis reliquis praescriptis operibus destiterit, eadem non idcirco irrita erit.

II. Monialibus aliisque feminis, quarum ad confessiones excipiendas, ex Codicis praescripto, specialis Ordinarii adprobatio requiritur, fas esto hanc dumtaxat iubilaei confessionem apud quemvis confessarium ah eodem loci Ordinario pro utroque sexu adprobatum peragere: qua semel completa, iam nulla confessarius iste in eandem poenitentem iurisdictione gaudeat, nisi ad Codicis leges.

III. Confessarius eos omnes, pro quibus ab Ordinario loci vel a Nobis adprobatus sit, in confessione iubilaei excipienda, absolvere possit, in foro sacramentali tantum, a quavis censura a iure vel ab homine inflicta, occulta vel publica, aut ab Ordinario sibi reservata aut a iure Apostolicae Sedi simpliciter spe- cialive modo vel Ordinariis reservata: item- que a quovis peccato, utcumque gravi et Ordinariis vel S. Sedi reservato; iniuncta