Circulares literae dioecesanae anno 1917. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
IV.
33 IV. Nr. 1426. Epistola S. Pontificis ad Eppos Hungáriáé. Autographas benignissimasque Suae Sanctitatis litteras ad Episcopos Hungáriáé directas filiali cum obsequio hisce communico : Dilecto Filio Nostro Joanni tit. S. Eusebii S. R. E. Presbyt. Card. Csernoch Archiepiscopo Strigoniensium ac Venerabilibus Fratribus Hungáriáé Archiepisco- pis et Episcopis — Strigonium BENEDICTUS PP. XV. Dilecte Fili Noster ac Venerabiles Fratres Salutem et Apostolicam benedictionem. Communi vestra epistola delectati admodum sumus. Quid enim in ea est quod pietatem in Nos vestram, quod vestra in concreditos greges studia vestramque sollertiam non ea esse declaret, quae a bonis pastoribus sunt Pastori Maximo desideranda ? Re quidem vera a celebrando annuo conventu non vos prohibuit saevientis huius belli vis: consilia agitastis aptissima tempori, probatissima Nobis: actuosam caritatem vestram curasque de gregibus multiplices ac graves cumulatiores effecistis uberrima voluntatis in Nos significatione. Hoc unum expetendum a Deo superest, ut qui vobis tam bonam indidit mentem, Idem et semen praestet seminantibus et incrementa augeat frugum, quas vester pepererit labor. — Ad has, quod attinet, communium rerum tam asperas vices, plane videmus cum sensu Nostro sensus quoque vestros congruere et quae cura Nos torquet, eandem vos habere vehementer sollicitos. Inde profecto fit ut et hanc doleatis belli diuturnitatem et pacem optatissimam quo magis retardat dies eo ardentiori desiderio instantiorique prece a Deo expostuletis. Et eo sane deducta iam res est, ut conciliandae pacis maturare oporteat consilia coeptaque ingeminanda. Utinam viam pacis ii quantocius cognoscant atque animose persequantur quorum in arbitrio sunt tot populorum sortes! Auspex divinorum munerum Nostraeque testis benevolentiae Apostolica sit Benedictio, quam vobis, Dilecte Fili Noster ac Venerabiles Fratres Clero populoque unicuique vestrum tradito peramanter in Domino impertimus. Datum Romae apud S. Petrum, die X. Januarii MCMXVII. Pontificatus Nostri anno tertio. BENEDICTUS PP. XV. Strigonii, die 17. Martii 1917. 6