Circulares literae dioecesanae anno 1917. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
XVI.
168 ovis, lacticiniis et quibuslibet condimentis etiam ex adipe animalium. Can. 1251, §. 1: Lex ieiunii praescribit ut nonnisi unica per diem comestio fiat; sed non vetat aliquid cibi mane et vespere sumere, servata tamen circa ciborum quantitatem probata locorum consuetudine. §. 2: Nec vetitum est carnes ac pisces in eadem refectione permiscere; nec serotinam refectionem cum prandio permutare. Can. 1252, §. 1: Lex solius abstinentiae servanda est singulis sextis feriis. §. 2: Lex abstinentiae simul et ieiunii servanda est feria quarta Cinerum, feriis sextis et sabbatis Quadragesimae et feriis Quatuor Temporum, pervigiliis Pentecostes, Deiparae in coelum assumptae, Omnium Sanctorum et Nativitatis Domini. §. 3: Lex solius ieiunii servanda est reliquis omnibus Quadragesimae diebus. §. 4: Diebus dominicis vel festis de praecepto lex abstinentiae et ieiunii, vel ieiunii tantum cessat, nec pervigilia anticipantur : item cessat Sabbato Sancto post meridiem. Can. 1253. His canonibus nihil immutatur de induitis particularibus, de votis cuiuslibet personae physicae vel moralis, de constitutionibus ac regulis cuiusvis religionis vel instituti approbati sive mulierum in communi viventium etiam sine votis. Can. 1254, §. 1: Abstinentiae lege tenentur omnes qui septimum aetatis annum expleverint. §. 2: Lege ieiunii adstringuntur omnes ab expleto vicesimo primo aetatis anno ad inceptum sexagesimum. In conferentia episcoporum Hungáriáé diebus 7. et 8. Novembris a. c. Budapestini habita deliberatum est de modo exequendi canones supra enumeratos jam vim legis habentes. In sequelam deliberationis chori episcoporum pro Archidioe- cesi Strigoniensi sequentia dispono: Tempus communionis paschalis quod attinet, porro quoque viget disciplina in singulis dioecesibus ab Ordinariis vigore facultatis Apostolicae anticipandi et prorogandi tempus paschale statuta, dummodo facultas Apostolica hucusque non exspiraverit. In dioecesi itaque Strigoniensi tenore indulti Apostoliéi 26. Martii 1913. ad triennium obtenti et 12. Sept. 1916. ad ulterius triennium prorogati communio paschalis incipit pr ima Dominica Quadragesimae et perdurat usque ad Dominicam SS. Trinitatis. Disciplina haec vigebit usque dum aliter disposuero. 2. Tempus clausum, sacrum vel vetitum exinde die festo Nativitatis Domini et Dominica Resurrectionis terminabitur ita, ut festo S. Stephani Protomartyris et Feria II. Paschae sollemnis benedictio nuptiarum jam licita sit. Cum can. 1108. §. 2. sollemnem tantum nuptiarum benedictionem, quae in missa pro sponso et sponsa datur, interdicat, subinde tempore clauso licitum erit sponsos promulgare et matrimonia secundum ritum in Rituali Dioecesano praescriptum celebrare et benedicere, solummodo benedictio sollemnis cum missa pro sponso et sponsa conjuncta erit durante tempore sacro sine dispensatione Ordinarii vetita. Dispensatio in tempore vetito abhinc tunc tantum erit ab Ordinario petenda, si sponsi ex justis causis nuptias cum missa pro sponso et sponsa et benedictione sollemni sacrae liturgiáé inserta celebrare
