Circulares literae dioecesanae anno 1917. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
XII.
108 Die 6 Junii 1917 Sacra Congregatio de Sacramentis, vigore facultatum specialium a SSmo Domino Nostro Benedicto Papa XV sibi tributarum, attentis peculiaribus circumstantiis in casu concurrentibus, Emmo Ordinario Olomucensi facultatem benigne tribuere dignata est iuxta petita, adhibita etiam si necesse sit forma breviori pro adultorum baptismate conditionali a S. Sede adprobata, heic adnexa. Praesentibus valituris ad quinquennium. f A. Capotosti Ep. Thermen, Secretorius. Joseph Cellaring Off. Formula brevior pro adultorum baptismate conditionali apostolica auctoritate adprobata. Sacerdos — Quid petis ab Ecclesia Dei ? Resp. — Fidem. Sac. — Credis in Deum Patrem omnipotentem, Creatorem coeli et terrae? Resp. — Credo. Sac. — Credis in Jesum Christum, Filium eius unicum Dominum nostrum, natum et passum? Resp. — Credo. Sac. — Credis et in Spiritum Sanctum, sanctam Ecclesiam Catholicam, Sanctorum communionem, remissionem peccatorum, carnis resurrectionem et vitam aeternam ? Resp. — Credo. Sac. — Vis baptizari, si non es baptizatus ? Resp. — Volo. Sac. — Si non es baptizatus, Ego te baptizo in nomine Patris, et Filii, et Spiritus Sancti. Strigonii, 13. Aug. 1917. In articulo V Decreti Cum de Sacra- mentalibus diei 3. Februarii 1913 statutum est: „Si qua religiosa ad animi sui quietem et maiorem in via Dei progressum, aliquem specialem confessarium vel moderatorem spiritualem postulet, erit facile ab Ordinario concedendus; qui tamen invigilabit ne ex hac concessione abusus irrepant; quod si irrepserint, eos caute et prudenter eliminet, salva tamen conscientiae libertate.“ Circa hunc articulum proposita sunt S. Congregationi de Religiosis sequentia dubia: I. An confessarius specialis seu spiritualis moderator pro aliqua religiosa deputatus iuxta art. V Decreti Cum de Sacromentalibus, valeat perpetuo in suo munere permanere, vel potius concedendus sit ad tempus praefixum. II. An deputari valeat in confessarium specialem seu conscientiae moderatorem alicuius religiosae, qui in decurso triennio confessarii communitatis munere functus sit, nondum a cessatione praedicti officii anno expleto. Emmi Patres Cardinales huius S. Congregationis de Religiosis, tota rei ratione mature perpensa, in plenario coetu habito die 20. Aprilis currentis anni 1917. responderunt: Ad primum: Specialem confessarium seu moderatorem spiritualem concedendum esse non ad tempus praefixum, sed donec perduret iusta causa necessitatis vel utilitatis spiritualis religiosae, quae postulaverit, ad normam Decreti Cum de Sacr omentalibus, sub n. 13. Ad secundum: Affirmative. Facta autem de hisce omnibus relatione ab infrascripto Secretario Sacrae Congregationis, in audientia diei 22 eiusNr. 3820. Interpretatio Decreti „Cum de Sacramenta- libus.“
