Circulares literae dioecesanae anno 1916. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
III.
19 Nr. 492. Litterae Suae Sanctitatis ad Aprae- sulem. i \ 1 j ( 1 I Ad festa natalitia Domini et ex occasione vicis annuae filialia vota mea et homagium Cleri ac fidelium ADioecesis Strigoniensis missis devotissimis litteris ad thronum Suae Sanctitatis detuli. Acceptum nunc a Sua Sanctitate benignissimum responsum in sequentibus communico. Dilecto Filio Nostro Joanni tit. S. Eusebii S. R. E. Presb. Card. Csernoch Archiepiscopo Strigoniensi Strigonium. BENEDICTUS PP. XV. Dilecte Fili Noster Salutem et Apostolicam Benedictionem. Vehementer te esse sollicitum et in communibus miseriis praecipuo quodam dolore angi et pacem votis ac precibus a Deo postulare tua Nos docuit epistola; in qua ea etiam, pro tua pietate, commemoras quae Nos ad pacem ipsam conciliandam et ad mitigandas belli calamitates, corde magno et animo volenti egimus. Sollicitudo tua, Dilecte Fili Noster, sollicitudo Nostra est: vota tua, vota etiam Nostra. Utinam dives in misericordia Deus utriusque nostrum precibus quantocius benignus annuat, ac tristia haec, quibus iamdiu affligimur, vertat in mitia! Nos ceterum praeter ea ipsa quae tu quidem scribendo tam amanter persecutus es, consolatur etiam conscientia consiliorum Nostrorum, quorum, ut bene nosti, testes sunt et scripta et acta quam- plurima. Officia interim pietatis tuae et amplectimur libentissime ac simillima reddimus voluntate, Apostolicam Benedictionem, caelestium conciliatricem munerum, tibi, Dilecte Fili Noster, tuoque Clero ac populo peramanter in Domino impertientes. Datum Romae apud S. Petrum die XIII. Januarii MCMXVI. Pontificatus Nostri anno secundo. Benedictus PP. XV. Strigonii, die 26-a Januarii 1916. BENEDICTUS PP. XV. Seminaria clericorum usque ab initio tantae esse utilitatis ad Ecclesiae disciplinam visa sunt, ut patres Tridentini cum de iis constituendis in sessione XXIII., cap. XVIII decretum confecissent, affirmare non dubitarint et sacrosanctam Synodum, hac re una peracta, si nihil aliud egisset, bene meruisse de Ecclesia, et ipsos 4 Nr. 340. Sacra Congregatio „de Seminariis et de studiorum universitatibus“.
