Circulares literae dioecesanae anno 1916. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
XXII.
gravi collecta de Spiritu Sancto, reliquis alias imperatis, interim usque diem inclusive coronationis, omissis. Pridie coronationis in arce Budae die tertio ante Calendas Januarias seu dO-a Decembris solenniter peragendae, coelo in vesperam inclinante seu circa crepusculum, campanae pulsentur per spatium semihorae, ipsa autem inaugurationis die idem fieri volumus per integram horam a hora V2IO usque 'M1, tempore quippe ubi ipsa sacra unctio et coronatio peragetur. Die coronationis festiva praelectiones in omnibus scholis cessabunt. Iu ventus scholastica, quae sacro in ecclesia celebrando intererit, subin in aedibus scholaribus congregabitur, ubi parochi vel docentes sermonem festivitati accomodatum habebunt. In ecclesia mea cathedrali ipsa inaugurationis die celebretur (praeter conventualem extra chorum privatim faciendam) Missa votiva solemnis pro re gravi de Spiritu S. cum Gl. or. un. (cui addatur collecta pro Rege tantum) Cr. — Praef. de Spir. S. — Communicantes Nat. Dom. — Ite Missa est. col. rub. —; quam Missam in aliis quoque ecclesiis eodem ritu celebrari permittimus, dummodo fiat concursus populi et civiles militaresque magistratus officiose arcessantur. In ipsa tamen ecclesia, ubi inaugurationis solemnia celebrabuntur. Missa votiva sumenda erit de Magna Hun- garorum Domina. Denique notandum, inaugurationis solemnitatibus rite peractis in Canone Missae postmodum ex privilegio Clementis Papae XIII. memoriam fieri debere Regis, per haec tantum verba: pro Rege nostro Carolo. Interim vero fervidioribus adeamus precibus excelsum solium Regis Regum et Dominantium, ut sequestra Magna Nostra Domina et coelesti Patrona, non tantum in bis sacra laetitia festivis, verum omnibus vitae diebus Salvum faciat Regem, sperantem in Se, sitque ei „contra acies inimicorum lorica, in adversis galea, in prosperis sapientia, in protectione clypeus sempiternus.“ Quae utique omnia misericors et miserator benigne praestabit Dominus, si pro gloria nominis et incolumitate gentis nostrae dilexerimus caritatem, cuius pulcherrimum germen est fratrum concordia, divinis celebrata eloquiis et probata coram Deo et hominibus. Avitorum itaque patrum animi, amore patriae fervidius calescentis et generosis virtutibus,
