Circulares literae dioecesanae anno 1916. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae
XIII.
135 ;; \r •* r "; . *‘. . \ " , * f,> > < > XIII. Nr. 3663. Dispositio Suae Sanctitatis de communione puerorum. Ex audientia Ssmi D. XXVI. Junii MCMXVI. SS. D. N. Benedictus divina providentia Papa XV., cui nihil antiquius, quam ut pie inviolateque serventur decreta „Sacra Tridentina Synodus“ et „Quam singulari“, fel. rec. Decessoris sui Pii X. iussu edita, referente me infrascripto Cardinali a Secretis Status, cum prope adsit alter luctuosissimi eventi anniversarius dies, id mandare dignatus est, quod sequitur: Omnes et singuli in Europa locorum Ordinarii summopere curent, ut in Ecclesiis et Oratoriis suae cuiusque dioecesis die XXX, qui dominicus est, proximi mensis Julii, pueri utriusque sexus universi ad mentem Beatissimi Patris, sollemniore quo fieri poterit ritu, ad Sacram Synaxim accedant. Contrariis quibusvis minime obstantibus. Datum Romae, die, mense et anno praedictis. P. Card. Gasparri a Secr. Status. Sanctissimus D. N. Benedictus PP. XV. nihil intermittit, ut turbata per atrocissimum bellum pax quo ocyus restituatur. Ante unum annum in anniversario primo luctuosissimi belli appellavit ad belligerantes populos eorumque principes, ut tandem resipiscant belloque finem imponant. Frustrato salutarium conatuum suorum effectu, a magnis et potentibus repudiatus, nunc ad parvulos et inermes semet convertit. Vehementer optat desi- deratque pacificus Pontifex, ut in secundo luctuosissimi et sanguinolenti certaminis anniversario innocentes pueri ad mentem suam ad sacram synaxim accedant. Quamvis autem apud nos e decisione chori episcoporum prima Dominica mensis Maji similis devotio celebrata jam fuerit, cohiberi tamen non potui, quin attentionem DD. Curatorum ad dispositionem Beatissimi Patris provocem illamque ipsorum attentioni commendem. Orbis catholicus certe promptus exhibebit aures audietque vocem de concilianda pace tantopere solliciti supremi in terris animarum pastoris. Aequum et justum est, ut turmis puerorum Hungáriáé quoque juvenis fidelium turba aggregetur. Conentur itaque DD. Curati, ut in quantum in his ob urgentes etiam aggrestes labores difficillimis temporibus possibile est, menti Beatissimi Patris satisfiat, qui ex ore parvulorum desiderat perficere laudem mundoque pacem adferre, ab omnibus tantopere 20
