Circulares literae dioecesanae anno 1916. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae

I.

Nr. 1.

Aeppus gratia agit clero pro votis et pastorali soli- citudine tempore belli comprobata.

CIRCULARES DIOECESANAE.

i.

LAUDETUR JESUS CHRISTUS!

Venerabiles Fratres et Filii in Christo Dilectissimi!

Cum singulis praeteriti temporis annis tam mihi quam meis hac in sede aep- pali praedecessoribus gratissimum accidit gratulantis et optima quaeque vertente anno adprecantis cleri homagium: tum hisce gravibus arduisque momentis magnum filialis vestrae adhaesionis contestatio paterno cordi instillat gaudium. Pius ac venerabilis hic usus semper quidem uti innovatio quaedam illius sancti habebatur vinculi, quod praesulem inter ac clerum, patrem inter ac filios solidae usque debet esse firmitatis, sed inter praesentium dierum pressuras cum communium sacrificiorum omnes gravia persentiscamus onera, cum post tot victorias, a Deo Domino exercituum datas, novis nos accingere debeamus certaminibus, i hisce inquam gravissimis temporibus quam plurimum spei ac solatii aciei bene ordinatae vinculoque caritatis conjunctae affert conspectus. Cum ad nos subruendos dissitissima inimicorum in unum foedus coeant elementa, magnopere unitatis ac concordiae studium est fovendum iis praecipue, quorum est efficere, ut omnes sint cor unum et anima una.1

Haec prae oculis habendo majorem consueta in praejacentibus mihi gratulationibus habui delectationem. Sane ea clerus mihi, praesuli suo tamquam desideratissima ad precatur bona, quae filii patri familias: ut familiae, gregi suo vere prodesse omniaque vi muneris sui debita ipsis providere possit. Communia enim utrique, patri et familiae, gregi ac pastori, ut salus ita et detrimentum. Quam, inter causam praesulis atque cleri relationem, sequenti, utique nota, exprimit

1 Act. Ap. 4, 32.

1