Circulares literae dioecesanae anno 1915. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae

XX.

179

XX.

4845. sz.

XV. Benedek pápa 0 Szentségének válasza O Eminenci- ájának a pápai békeszózatot üdvözlő levelére.

Magnifica Beatissimi Patris Benedicti PP. XV. exhortatione motus, qua populi belligerantes eorumque rectores ad pacem et concordiam paterna caritate monentur, inomisse grati nostri et obedientis erga S. Sedem animi sensus professus indefessam nostram deprompsi spem, conatus Suae Sanctitatis litem gentium complanandi belloque finem imponendi demum prospere eventuros. Devotissimis meis litteris Sua Sanctitas augusto chirographo respondere dignata est. Pretiosissimum documentum Vobiscum, Venerabiles Fratres, communicare volens hisce dioecesanis ordinibus in originali latino et versioné Hungarica inserendum decrevi.

Dilecto Filio Nostro Joanni titulo Sancti Eusebii S. R. E. Presb. Cardinali Csernoch Archiepiscopo Strigoniensi

Strigôni um.

BENEDICTUS PP. XV.

Dilecte Fili Noster

Salutem et apostolicam Benedictionem.

Haerent animo quae ad Nos scribendo commemoras, simul morientium in bello, simul eos desiderantium lugubres lamentationes fletusque moerentes: ob eamque

caussam pacem, iustitiae opus, regibus aeque ac populis commendare, suadere vel nuperrime conati sumus. Addis tu quidem, Dilecte Fili Noster, haec paternae caritatis officia adeo tibi tuisque pacis exacuisse desideria, ut suspensis expecta- tione animis, hanc intueamini Apostolicam Sedem, tamquam orientem ex quo diu expetitae pacis prima lux tandem aliquando populis affulgeat. Utinam id ex sententia quantocius eveniat! Cum interim omnis spes Nostra a Deo sit, ad fidentes humi- lesque ad Eum preces ita — bene nosti — christifideles hortati sumus, ut illud in primis eos moneremus, virtutes exemplaque christianae professioni consentanea optimas esse deprecantium commendationes.

Pro delatis officiis habeto grati animi Nostri significationem una cum Apo- stolica Benedictione, quam, caelestium auspicem munerum Nostraeque testem benevolentiae, tibi, Dilecte Fili Noster, tuaeque dioecesi peramanter in Domino impertimus.

Datum Romae apud S. Petrum, die XXX. Augusti MCMXV. Pontificatus Nostri anni primo.

Benedictus PP. XV.

28