Circulares literae dioecesanae anno 1914. ad clerum archidioecesis strigoniensis a Joanne Cardinale Csernoch principe primate regni Hungariae et archiepiscopo dimissae

XXII.

- 215

Nr. 6270.

Justa solem- nia celebranda praescribuntur pro fratribus, sub gloriosis regni signis militan- tibus. qui dulcem et decoram adusqui pro patria mortem oppetiere.

XXII.

Sanctam et salubrem pia Mater Ecclesia vel inter iucundiores per annum solennitates numquam non agit defunctorum memoriam, ut a peccatis solvantur: autumnante vero et senescente anno, ubi vel ipsa defervescens natura mirabili quadam taciturnitate innuit omnia in mundo caduca esse et peritura, uti folia arborum decidua, integro quippe mense Novembri impensius commendat iuvandas piis suffragiis animas fratrum, qui de militia huius vitae migrarunt, ut eis veniae largitor Deus, locum refrigerii, lucis ac pacis indulgeat sempiternae. Recordantem interim ac pie meditantem precan- temque affectum defunctis exhibendum, tristissimae suadent temporum rerumque asperitates et rationes ipsae urgent domesticae cum maxime. Certe nunc, ubi cruento horrore castrorum bella usque quaque divisa maiorem continentis Europae partem mutuo sanguine manantem et omnibus insuper carum patriae solum, cruore multorum millium militum, generis necessitudine iunctorum cernimus rigatum, animi tot divinae iracundiae flagellis castigati, proniores utique sunt ad supplices coram Deo multo fervore fundendas preces, atque ad multiplicanda sive altaris, sive orationum, sive eleemosynarum et ieiuniorum sacrificia, ut regnorum omnium regumque dominator, qui percutiendo sanat et ignoscendo conser vat, superstites nos ab omni quo ocvus eruat bellorum nequitia; iis autem, qui canticum Domini in terra aliena cantantes atque pro aris et focis gloriose dimicantes, titulum amoris patriae excelsa, animi fortitudine consecrarunt et terram, in qua nati sumus suo sanguine purpurarunt, det benignus refrigerii sedem, quietis beatitudinem et luminis claritate7n.

Itaque, cum ex professione fidei catholicae exploratum sit animas fidelium defunctorum suffragiis, potissimum vero acceptabili altaris sacrificio iuvari: statuimus 13 labentis mensis Novembris so- lemnis expiationis diem, quo a Nobis et singulis nostrae archidioeceseos sacrorum curionibus et rectoribus ecclesiarum etiam regularium, celebretur Missa defunctorum, maiori qua fieri potest solemnitate, eoque ritu qui in Missali assignatur in Commemoratione Omnium Fidelium Defunctorum, cum subsequenti absolutione ad tumulum. Probamus item, imo vehementer cupimus, ut hac die reliqui omnes sacerdotes idipsum faciant, Missamque ut supra plane celebrent pro iis, qui procul a suis, sine conditione sepulturae et pompa exequiarum in communi tumulo conditi iam requiescunt et mirum tubae sonum ex33