Circulares literae dioecesanae anno 1913. ad clerum archidioecesis strigoniensis a Joanne Csernoch principe primate regni Hungariae et archiepiscopo dimissae
VI.
65 tutis, etiam regularibus solummodo super occulta irregularitate et quidem dumtaxat ad exercitium ordinum jam susceptorum et superiorum ordinum assecutionem. Nominatim excommunicatis, suspensis, interdictis, seu alias iis, qui in sententias et censuras incidisse declarati sunt, vel publice denuntiati sunt literae hae Apostolicae minime suffragantur, nisi intra tempus, quo Indulgentia acquiri potest, satisfecerint. Qui ex his intra hoc tempus, indicio confessarii, satisfacere nequiverint, absolvi possunt solummodo in foro conscientiae ad effectum dumtaxat assequendi Indulgentias Jubilaei cum obligatione autem satisfaciendi statim ac poterunt. 6. Summus Pontifex facultatem facit omnibus fidelibus tum ecclesiasticis saecularibus vel regularibus cuiusvis Ordinis et Instituti, ut sibi eligere possint quemlibet presbyterum Confessarium saecularem seu regularem, dummodo sit. approbatus, qua facultate uti possunt etiam moniales, novitiae et aliae mulieres intra claustra degentes, dummodo autem Con- fessarius approbatus sit pro monialibus. Non igitur Confessarii generalem accipiunt potestatem supra enumeratis facultatibus utendi, sed solummodo quoad illos fideles, qui ad se intra Jubilaei tempus accesserint et quidem animo praesens Jubilaeum consequendi et reliqua opera adimplendi. Confessarii porro praedictis facultatibus uti possunt solummodo hac vice et in foro conscientiae dumtaxat. Qui igitur confessionem paschalem peragunt, seu secus ex devotione confitentur, quoad hos facultates ad tempus Jubilaei Confessariis concessae minime valent. 7. Demum mandamus et praecipimus omnibus curionibus, professoribus religionis, catechetis et aliis quibuscunque, quibus cura fidelium quomodocunque est commissa, ut has literas apostolicas suis fidelibus, respective alumnis publicent, quoad singula explicent eosque vehementer hortentur, ut conditionibus Indulgentiae acquirendae ad amussim et devote satisfaciant et tali modo uberrimos percipiant fructus spirituales e thesauro, quem Sanctissimus Dominus hac solemni occasione fidelibus aperuit. Hac ratione optime exsequetur voluntas Beatissimi Patris de bono universalis ecclesiae et singulorum fidelium salute solliciti. 8. Jubilaeum itaque a Summo Pontifice indictum, tam dilectis in Christo fratribus, quam fideli populo curae nostrae credito cum gaudio annuntiamus omnes et singulos hortantes, ut diebus salutis et tempore acceptabili, oblatae a Sua Sanctitate gratiae talem faciant usuram, quae ad salutem cedat animarum. Quamvis autem litterae apostolicae jubilaeum indicentes nihil desuper statuant, ut visitatio templorum per modum supplicationis communis seu processionis fiat, integrum tamen erit animarum curatoribus, processionaliter cum populo fideli visitare ecclesias, quem in casum talem temporis delectionem faciant, quae in peragendis laboribus fideles haud impediet. 9. Quum vero dispositiones has sub octava Paschatis Resurrectionis Domini publicamus, cohiberi non possumus, quin omnibus Vobis ex animo precemur, ut festa paschalia, quae venerando egimus prospera nobis eveniant atque omnes, quos Dominus aeternis dignatus est renovare mysteriis, a temporalibus quoque culpis absolvere dignetur. Strigonii die 28-a Martii 1913.
