Circulares literae dioecesanae anno 1913. ad clerum archidioecesis strigoniensis a Joanne Csernoch principe primate regni Hungariae et archiepiscopo dimissae

I.

2

animi sensus corda pervadunt, siquidem novum, uti ex diariorum pagellis iam nostis, nacti sumus de gratia Apostolicae Sedis Antistitem in persona Excellentissimi et Rmi Dni Joannis Csernocli Aeppi Colocensis, qui, utpote viginti fere annos honoris collegii nostri compos, decus nostrum erat atque singulare ornamentum, nec nobis nec vobis ignotus est, cuiusque praestantes animi dotes, mentis praesertim aciem et sagacitatem, rerum gerendarum dexteritatem et omnimodam undique laboriosam navitatem annales insignis huius Archicapituli alte clamant. Benedictus igitur qui venit in nomine Domini, patentem nostro omnium adiutorio agrum excolendum suscipiens, cui iam nunc deditae voluntatis, obsequii et pietatis professionem festive nuncupamus. Quod eo quidem magis et sine ulla haesitatione praestandum censemus, quia idem Celsissimus ac Reverendissimus Princeps Primas Joannes Csernocli, adusque Colo- censium Antistes, nedum benignas regiae collationis, verum etiam confirmationis Apostolicae Sedis literas, simul atque praestiti fidelitatis obedientiaeque erga Augustissimum Pontificem Pium PP. X. eius- que successores iuramenti, necnon alterius sacramenti ad tramitem constitutionis „Sacrorum Antistitum“ iure iurati testimonia nobis in consistorio hac die celebrato exhibuit, quibus innixi Eundem carissimum in Christo Patrem qua legitimum Pastorem et Sacrorum Strigonien- sium Antistitem agnoscimus et ab omnibus qua talem habendum atque recipiendum declaramus.

Datum Strigonii in consistorio die

31. Decembris 1912. celebrato.

Archicapitulum Strigoniense.

LECTURIS SALUTEM PLURIMAM IN DOMINO.

In consistorio Archicapituli Strigo- niensis ad hoc indicto et in solita consi- storiali aula die hodierna- hora post meri- dem media quinta celebrato, procuratorem agente Ulmo ac Rmo Dno Ludovico Rajner Eppo tit. Cydiesseno, specialibus facultatibus instructo, exhibitae sunt Nobis capitulariter congregatis literae provisionis apostolicae die 13. Decembris 1912. sub plumbo datae, quibus Excellentissimus ac Rmus Dnus Joannes Cser- noch adusque Colocensium Antistes ad hanc sublinem aeppalem Sedem promovetur. Quum has literas iuxta constitutionem Bonitácii VIII. Iniunctae (c. 1. de elect. I. 3. Extrav. com.) nobis exhibitas inspexissemus, eas omnino antheuticas reperimus atque praelegimus, ac denique supra fatum Exc. ac Rmum in Christo Patrem communi omnium gratulatione in legitimum Antistitem nostrum suscepimus, qui per memoratum procuratorem ad id deputatum statim et sedis possessionem adivit et Vicarium Generalem constituit eundem Ulmum ac Rmum Dnum Eppum Cydiissenum, nostri collegii capi- tularem. Quae omnia cum eo memoriae commendamus, quod idem Vicarius Generalis Suae Celsitudinis sessione capitulari expleta, coram prima seu respective tertia dignitate praesentibusque sex canonicis, solemnem fidei professionem elicuit, adiecto simul iuramento constitutione „Sacrorum Antistitum“ diei 1 Septembris 1910. praescripto.

In quorum fidem hoc publicum exaratum est instrumentum, a prima digni-