Circulares literae dioecesanae anno 1913. ad clerum archidioecesis strigoniensis a Joanne Csernoch principe primate regni Hungariae et archiepiscopo dimissae

II.

16

faturos dominici gregis pastores animarumque Christi sanguine redemtarum curatores artem artium regimen nempe animarum ita edoceatis, quatenus laete crescant in virosque adolescant perfectos dentque fructum suo tempore centuplum.

Accedite iarn ad amplexum paterni cordis dilecti in Domino plurimum familiae filii, iucundissimaque paternae spei pignora, Vos, cleri iunioris ephebi, generis electi regalisque sacerdotii1 tirones, qui in seminariis nostris educamini. Paternam sane in Vobis tamquam in filiis repositam habeo spem fore ut vobis „in lege Dei ambulantibus et de virtute in virtutem euntibus vita Vestra cunctis afferat venerationem et opera vestra spiritualis Ecclesiae Christi afferat utilitatem.“1 2 Ut in bonos mox succrescatis Christi sacerdotes, i am nunc penitus Christum induatis oportet, ut cum apostolo dicere queatis: „Vivo ego, iam non ego, vivit vero in me Christus“,3 ut nihil scire cupiatis nisi Jesum et hunc crucifixum, ut omnium vestrorum studiorum ac laborum Christum eligatis ducem et magistrum. Ad Illum saepius humilibus confugite precibus, Illum in venerabili Eucharistia adorate et invocate quotidie, immo in corda Vestra suscipite, ut viam Vobis ostendat, in qua Vos ambulare oporteat dein vero ut etiam alios hac via manu- ducendi divinam Vos doceat paedagogiani. Hasce delicias Vobis eligeratis, clerici enim vocamini, quia — ut ait S. Hieronymus (ad Nepot.) — de sorte Domini estis et quia ipse Dominus sors sive pars Vestra est. Sinite ergo exitiales huius mundi concupiscentias ab aliis diligi,

1 Lev. 11, 44.

2 Bened. XIV. „Ubi primum“ 1740.

3 Gal. 2, 20.

Vestra sit portio Sanctorum, Rex regum et Dominus dominantium ; bibant alii mortiferas voluptates, pars calicis Vestri Dominus. Haec prae oculis habendo, gratia item et sapientia apud Deum et homines proficiendo1 certam Vestram electionem facietis2 efficietisque, ut cum ad agrum Domini colendum missi fueritis in benedictionibus seminetis et de benedictionibus metatis.3

Speciali veneratione Vestri mentionem facio, sacratioris instituti ac regularis disciplinae viri, qui abdicatis quibusvis bonis temporalibus vitae commoditatibus, voluptatibus immo ipso iisdem mundi ac carnis fruendi desiderio, relicto patre et matre Christum sequi docetis, quique vivum praebetis exemplum: sensuum et concupiscentiae refraenationem, corporis castigationem, Christianae perfectionis consectationem cum gratia Dei possibilem atque fructuosam esse. Laus haecce a concilio maiorum nostrorum4 Vobis tributa merito illis iungitur encomiis, quibus institutum Vestrum a summis Ecclesiae Praesulibus iterato commendatum fuit: Vestrae disciplinae exercitus laetissimas illas auxiliares Christi militum constituere turmas, quae maximo tum Christianae tum civili reipublicae usui, ornamento atque praesidio semper fuerunt; Vestras familias vel a prima sua institutione innumeris claruisse viris, qui omnigenae doctrinae atque eruditionis copia insignes, omnium virtutum ornatu et sanctitatis gloria fulgentes, ardenti in Deum et homines amore flagrantes praeter divinarum rerum meditationem circumferendamque

1 Lue. 2, 51.

2 2. Pet. 1. 10.

3 2. Cor. 9, 6.

4 Cone. Strig. Tit. VII.