Circulares literae dioecesanae anno 1911 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XII.
119 XII. Nr. 4725. Decretum super interpretatione motus proprii „Inter Multiplices“. Super legitima interpretatione art. II, n. 14 et 34 et art. Ill, n. 13, in Motu Proprio Inter Multiplices, diei 21 Febr. 1905, Sacrae Rituum Congregationi sequens quaestio proposita fuit: An Canonicus rite adscriptus Capitulo, quod collegi aliter gaudet privilegiis seu insignibus et iuribus ad Protonotarios Apo- stolicos, vel supranumerarios, vel ad instar participantium pertinentibus, ius aliquod acquisierit, quo inter Praelatos Domesticos cum expeditione Brevis recenseatur? Et Sacra eadem Congregatio, audito Commissionis Liturgicae suffragio, reque accurato examine perpensa rescribendum censuit: Negative, et adscriptionem coetui Praelatorum Domesticorum unice pendere ex benigna liberalitate Summi Pontificis, attentis, in singulis casibus, omnibus circumstantiis et specialibus meritis personae. Quam resolutionem, Sanctissimo Domino Nostro Pio Papae X per infrascrip- tum Cardinalem eidem Sacro Consilio Praefectum relatam, Sanctitas Sua ratam habuit et probavit; simulque eiusmodi interpretationem tamquam veram et authenticam declaravit. Die 24 Maii 1911. L. t S. Fr. S. Card. Martinelli, Praefectus. t Petrus La Fontaine, Episc. Charyst., Secreiarius. Quaesitum est ab hac Sacra Congregatione de Religiosis: I. An Religiosi pertinentes ad Instituta votorum simplicium iisdem teneantur legibus ac Regulares votorum solemnium, quoad Imprimatur seu beneplacitum a suis Superioribus expostulandum, quoties aliquod suum manuscriptum in lucem edere cupiunt? II. An Religiosi, quoties eis a suis Moderatoribus publicatio alicuius manu- scripti fuerit interdicta, vel Imprimatur denegatum, possint idem manuscriptum alicui typographo tradere, qui illud publicet cum Imprimatur Ordinarii loci, suppresso auctoris nomine? Emmi autem Cardinales Sacrae Congregationis de Religiosis, in plenario Coetu ad Vaticanum habito die 2 mensis Iunii 1911, suprascriptis Dubiis responderunt: Ad I. Affirmative. Ad II. Negative. Quam Emmorum Patrum responsionem Sanctissimus Dominus Noster Pius Papa Decimus, referente infrascripto Sacrae Congregationis Secretario, ratam habuit et confirmavit, die 11 Iunii 1911. Datum Romae, ex Secretaria Sacrae Congregationis de Relig., die 15. Iunii 1911. Fr. I. C. Card. Vives, I*raefectus. L. f S. fi Donatus Archiep. Ephesinus, Secreiarius. Nr. 4447. Dubia de manuscriptis religiosorum typis edendis. 19
