Circulares literae dioecesanae anno 1909 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
IX.
89 Nr. 3184. Sacra exercitia cleri archidioece- sani annuntiantur. IX. Cum ad sacra exercitia spiritualia hoc anno peragenda Vos, Venerabiles Fratres, in Domino invitamus, juvat ea verba afferre, quibus Sanctissimus Dominus Noster Pius Papa X. necessitatem meditationis tam efficaciter inculcat in Exhortatione ad clerum catholicum anno superiori edita (Vide Cire. a. 1908. p. 127-140.) „Quamvis enim varia sacerdotii munia augusta sint et plena venerationis, usu tamen frequentiore fit ut ipsa tractantes non ea plane qua par est religione perpendant. Hinc sensim defervescente animo facilis gressus ad socordiam, atque adeo ad fastidium rerum sacrarum. Accedit, quod sacerdotem quotidiana consuetudine versari necesse sit quasi in medio nationis pravae; ut saepe in pastoralis ipsa caritatis perfunctione sit sibi pertimescendum, ne lateant inferni anguis insidiae. Praeterea expedit sacerdoti quadam instrui facilitate assurgendi nitendique in caelestia, qui coelestia sapere, eloqui, suadere omnino debet, qui sic debet vitam suam omnem supra humana instituere, ut quidquid pro sacro munere agit, secundum Deum agat, instinctu ductuque fidei. Jam- vero hunc animi habitum, hanc veluti nativam cum Deo coniunctionem efficit maxime ac tuetur meditationis praesidium. Quarum rerum confirmationem petere licet, sane tristem ex eorum vita sacerdotum, qui divinorum meditationem vel parvi pendant vel plane fastidiunt. Videas enim homines, in quibus sensus Christi, illud tam praestabile bonum, oblanguit, totos ad terrena conversos, vana consedantes, leviora effutientes, sacrosancta obeuntes remisse, gelide, fortasse indigne. “ Venite igitur, dilectissimi Fratres, et renovate, confirmate in cordibus Vestris spiritum Christi, sensum Christi. Venite et unitis viribus oremus Dominum, ut det omnibus spiritum bonum, spiritum principalem, spiritum sapientiae et intellectus, consilii et fortitudinis, scientiae et pietatis et timoris Domini. Sacra exercitia pro archidioecesis Nostrae sacerdotibus anno currenti in aedibus Seminarii Strigoniensis incipient die 23 Augusti vespere et finem habebunt die 27 Augusti mane. Comparituri in aedibus Seminarii Strigoniensis nomina sua usque ad 20 Augusti ad Cancellariam Nostram Strigoni- ensem transmittant, ut de necessariis, hospitio nempe et victu, sufficienter provideri 13
