Circulares literae dioecesanae anno 1909 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

VIII.

7 G

tis declarationibus a S. Congr. Concilii die 1 Febr. et die 28 Martii 1908. desuper latis. Decretum ipsum sic sonat:

„Sacra Congregatio De Sacramentis. Roma, 27 Februarii 1909. Num. protoc. 833/08. In Congregatione Generali habita in Palatio Apostolico Vaticano die 19 Februarii 1909 proposita fuit quaestio „Romana et aliarum — Dubiorum circa Decretum de Sponsalibus et Matrimonio“ relate ad petitionem Antistitum Hungáriáé quoad matrimonia mixta.

EE. ac RR. PP. re mature perpensa, dubio: An et quomodo providendum sit in casu, responderunt : „attentis peculiaribus circumstantiis in casu concurrentibus, supplicandum Ssmo, ut pro nunc quoad matrimonia mixta extendere dignetur regno Hungáriáé Constitutionem=Provida=pro Germania latam die 18 Januarii 1906, servatis declarationibus a S. C. Concilii die 1 Februarii et die 28 Martii 1908 desuper datis.“

Ex Audientia Ssmi diei 23 Februarii 1909: Ssmus audita relatione facta a R. P. D. Secretario, Emorum Patrum voto in omnibus benigne annuere dignatus est; et insuper coniugia mixta post publicationem Decreti „Ne temere“ in regno Hungáriáé hucusque contracta, non servata eiusdem Decreti forma, dummodo nullum aliud dirimens impedimentum obstet pro validis habenda esse voluit, idque expresse declaravit ac decrevit. D. Card. FERRATA Praef. m. p. Ph. GIU- STINI Secret, m. p. (L. S.)

Cum decretum nunc citatum et hac occasione publicatum provocet ad Constitutionem „Provida“ et declarationes desuper datas, necessarium ducimus verba ipsius Constitutionis et citatarum in decreto declarationum tenorem vestro exhibere conspectui:

A) Constitutionis „Provida“ articulus II.:

„Matrimonia mixta quae a catholicis cum haereticis vel schismaticis contrahuntur, graviter sunt manentque prohibita, nisi accedente iusta gravique causa canonica datis integre, formiter, utrimque legitimis cautionibus, per partem catholicam dispensatio super impedimento mixtae religionis rite fuerit obtenta. Quae quidem matrimonia, dispensatione licet impetrata, omnino in facie Ecclesiae coram parocho ac duobus tribusve testibus celebranda sunt, adeo ut graviter delinquant qui coram ministro acatholico vel coram solo civili magistratu vel alio quolibet modo clandestino contrahunt. Imo si qui catholici in matrimoniis istis mixtis celebrandis ministri acatbolici operam exquirunt vel admittunt, aliud patrant delictum et canonicis censuris subiacent.

Nihilominus matrimonia mixta in quibusvis Imperii Germanici provinciis et locis, etiam in iis, quae iuxta Romanarum Congregationum decisiones vi irritanti capitis Tametsi certo hucusque sub- iecta fuerunt, non servata forma Triden- tina iam contracta vel (quod Deus avertat) in posterum contrahenda, dummodo nec aliud obstet canonicum impedimentum, nec sententia nuditatis propter impedimentum clandestinitatis ante diem festum Paschae huius anni legitime lata fuerit, et mutuus coniugum consensus usque ad dictam diem perseveraverit, pro validis omnino haberi volumus, idque expresse declaramus, definimus atque decernimus.“

B) Declarationes ad sequentia dubia proposita:

IV. An sub art. XI., §. 2. in exceptione enunciata illis verbis „nisi pro