Circulares literae dioecesanae anno 1909 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

X.

120

Nr. 3839.

De usu inserendi numismata coronis B. M. V. loco granulorum maiorum.

•

Beatissime Pater,

P. Thomas Ioseph a divina Providentia, societatis divini Salvatoris, ad pedes S. V. provolutus, humillime exponit ut sequitur:

Ab aliquo tempore invaluit usus inserendi coronis B. M. V. loco granulorum, quae Pater noster designant, parva numismata B. M. V. — Quaeritur a multis fidelibus, utrum hic usus obstet lucro indulgentiarum, et utrum retineri possit an non?

Et Deus etc.

Die 13 Martii 1909.

S. Congregatio S. Officii respondendum censuit, nihil esse innovandum.

L. f S. A. Can. Gfiambene, Sub- stitus pro Indulgentiis.

Nr. 3840.

De facultate dispensandi ab impedimentis matrimonialibus imminente morbis periculo.

Ante editum decretum Ne temere diei II mensis augusti anno MDCCCCVII De sponsalibus et matrimonio, satis iam fuerat eorum necessitati provisum, qui miserrime in concubinatu viventes iidem- que in gravissimo mortis periculo constituti, impedimento aliquo matrimonium dirimente prohiberentur, quominus rite nuptias inirent. Nam per litteras S. Officii datas die XX mensis februarii anno MDCCCLXXXVIII, et per sequutam declarationem die IX mensis ianuarii anno MDCCCLXXXIX, facultas Ordinariis concedebatur, quae parochis etiam subdele- gari habitualiter posset, dispensandi in iis adiunctis ab impedimentis quoque publicis matrimonium ecclesiastico iure dirimentibus, excepto sacro presbyteratus ordine et affinitate lineae rectae ex copula licita proveniente.

Cum autem in art. VII praefati decreti Ne temere sancitum fuerit, „immi- „nente mortis periculo, ubi parochus vel „loci Ordinarius vel sacerdos ab alterutro „delegatus haberi nequeat, ad consulen- „dum conscientiae et (si casus ferat) legi- „timationi prolis, matrimonium contrahi „valide et licite posse coram quolibet „sacerdote et duobus testibus“ ; Ordinarius Parmensis ac plerique aliorum locorum Ordinarii a S. Congregatione de disciplina Sacramentorum postularunt, ut, etiam hoc in casu, animarum saluti consuleretur, si forte dirimens aliquod impedimentum obstaret quominus matrimonium rite contraheretur.

Re mature perpensa in Congregatione generali diei VII mensis Maii anno MDCCCCIX, et relatis omnibus SSmo D. N. Pio divina providentia Papae X, in audientia habita ab infrascripto eiusdem S. Congregationis a secretis die IX mensis Maii anno MDCCCCIX, Sanctitas Sua, benigne excipiens votum Emorum Patrum, declarare dignata est ac decernere, quemlibet sacerdotem, qui ad normam art. VII decreti Ne temere, imminente mortis periculo, ubi parochus vel loci Ordinarius vel sacerdos ab alterutro delegatus haberi nequeat, coram duobus testibus, matrimonio adsistere valide ac licite potest, in iisdem rerum adiunctis dispensare quoque posse super impedimentis omnibus etiam publicis matrimonium iure ecclesiastico dirimentibus, exceptis sacro presbyteratus ordine et affinitate lineae rectae ex copula licita.

Datum Romae ex aedibus eiusdem S. Congregationis, die XIV mensis maii anno MDCCCCIX.

D. Card. FERRATA, Praefectus.

L. f S.

Ph. Gfiustini, a secretis.

9