Circulares literae dioecesanae anno 1908 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XIX.
208 2. Admittuntur tamen et alii sive APPENDIX DE TAXATIONE EXPENSARUM JUDICIALIUM. sacerdotes siva laici, qui laurea doctorali saltem in canonico jure instructi, post triennale tyrocinium vel qua adjutores penes aliquem ex Auditoribus, vel penes aliquem ex advocatis rotalibus facto experimento coram Rotali Collegio, ab eodem idonei reperti sint, diploma advocatorum acceperint, a Sacrae Rotae Decano et ab uno ex notariis subsignatum, ac jusjurandum coram Rotali Collegio dederint de munere ex conscientia implendo. Can. 45. § 1. Advocati in causis coram Sacra Rota et Signatura Apostolica agendis tenentur servare tum communes leges canonicas tum regulas horum tribunalium proprias ; et in scripturis pro defensione exarandis lingua latina uti debent. § 2. Tenentur insuper de mandato Decani Sacrae Rotae aut Cardinalis Praefecti Signaturae Apostolicae gratuitum patrocinium aut gratuitam adsistentiam praebere iis, quibus Sacra Rota aut Signatura Apostolica hoc beneficium concesserit. § 3. Nefas eisdem est emere litem, aut de extraordinario emolumento vel immodica rei litigiosae parte sibi vindicanda pacisci. Quae si fecerint, praeter nullitatem pactionis, a Sacra Rota congrua poena mulctari possunt, juxta sequentem canonem. Can. 46. Collegium advocatorum consistoria- lium fungetur munere collegii disciplinae pro continendis in officio advocatis: qui, ex voto ejusdem Collegii, a Sacra Rota reprehensionis nota inuri, poena pecuniaria mulctari, suspendi, vel etiam ex albo advocatorum expungi poterunt. Cap. I. De proventibus quae ad aerarium Sanctae Sedis spectant. 1. Acta quaelibet judicialia in causis tum contentiosis tum criminalibus exarari debent in foliis sigillum Sedis Apostolicae referentibus, excepta prima instantia, et exceptis quoque foliis typis edendis, de quibus in can. 25. et 26. Folia quatuor paginis constant et paginae triginta lineis. Pretium uniuscujusque folii coram Sacra Rota adhibendi est, lib. 1; coram Signatura Apostolica, lib. 2. 2. In eodem folio cumulari nequeunt acta diversa, quamvis ad eamdem causam spectantia. 3. Quoties documenta in protocollo Sacrae Rotae exhibentur sive plura sint, sive pauciora, singulis vicibus pendenda est lib. 1. 4. Pro actu quo declaratur concordare exemplar alicujus documenti cum autographo, ad singula folia, lib. 0. 50. 5. Pro peritiis, si requirantur, et pro examine testium, si habendum sit, a requirente peritiam vel probationem per testes deponenda est penes officialem rotalem, pecuniae custodem, summa ab Adjutore Praesidis tribunalis taxanda, quae ab eo censeatur sufficiens ad expensas peritiae vel examinis testium solvendas. 6. In taxanda hac summa Adjutor aestimare debet, juxta civilem Urbis usum, quid requiratur ad retribuendam peritorum operam, si de ipsa agatur, vel ad indemnitatem testibus praestandam, tum ob itineris expensas, tum ob cessatum lucrum ex interruptione laboris, si de examine testium res sit. Praeterea tribunalis jura juxta
