Circulares literae dioecesanae anno 1908 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XIX.
200 Can. 5. § 1. Constituentur etiam notarii, quot necessarii sunt pro actibus Sacrae Rotae rogandis, qui praeterea actuarii et cancellarii munere in sacro tribunali fungentur. § 2. Duo saltem ex his erunt sacerdotes : et in causis criminalibus clericorum vel religiosorum his dumtaxat reservatur notarii et actuarii munus. § 3. Omnes eligentur a Collegio Rotali ex concursu juxta regulam pro ceteris Sanctae Sedis officiis datam: eorumque electio confirmanda erit a Summo Pontifice. Can. 6. § 1. Unus vel duo laici maturae aetatis et probatae vitae constituentur pro custodia sedis et aulae Sacrae Rotae, qui, quoties necesse sit, cursorum et apparitorum officia praestabunt. § 2. Eligentur a Rotali Collegio cum suffragiorum numero absolute majore. Can. 7. § 1. Singuli Sacrae Rotae Auditores post nominationem, ante quam judicis officium suscipiant, coram universo Collegio, adstante uno ex notariis sacri tribunalis, qui actum rogabit, jusjurandum dabunt de officio rite et fideliter implendo. § 2. Idem jusjurandum dabunt singuli adjutores Auditorum, et tribunalis administri coram Sacrae Rotae Decano, adstante pariter uno ex notariis. Can. 8. In re criminali, in causis spiritualibus et in aliis, quando ex revelatione alicujus actus praej udici um partibus obvenire potest, vel ab ipso tribunali secretum impositum fuit, Auditores, adjutores Auditorum et tribunalis administri tenentur ad secretum officii. Can. 9. § 1. Auditores qui secretum violaverint, aut ex culpabili negligentia vel dolo grave litigantibus detrimentum attulerint, tenentur de damnis: et ad instantiam partis laesae, vel etiam ex officio, Signaturae Apostolicae judicio a SSmo confirmato, puniri possunt. § 2. Tribunalis administri et adjutores Auditorum, qui similia egerint, pariter tenentur de damnis; et ad instantiam partis laesae, aut etiam ex officio, Rotalis Collegii judicio, pro modo damni et culpae puniri possunt. Can. 10. §. 1. Declaratio fidelitatis exemplarium cum autographo a notariis fieri potest ad instantiam cujuslibet petentis. § 2. Extrahere vero documenta ex archivo, illaque petentibus communicare, notarii non possunt nisi de mandato Prae- sidis túrni, coram quo causa agitur, si ad effectum causae documentum postuletur: de mandato Decani, si aliquod documentum ob alium finem requiratur. Can. 11. Sacra Rota duabus formis jus dicit, aut perturnos trium Auditorum, aut videntibus omnibus, nisi aliter pro aliqua particulari causa Summus pontifex statuerit sive ex se, sive ex consulto sacrae alicujus Congregationis. Can. 12. § 1. Turni hoc ordine procedent. Primus turnus constituitur ex tribus ultimis Auditoribus; secundus et tertius ex sex praecedentibus; quartus ex decano et duobus ultimis Auditoribus, qui denuo in túrni seriem redeunt; quintus et sextus turnus
