Circulares literae dioecesanae anno 1907 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XVI.
201 Nr. 6729. Decretum S. R. U. J. de Missa et communione in sacra nocte Rat. D. N. J. C. Institutis rei. et Seminariis concessa. XVI. Sequens decretum S. R. U. J. publicando, respectivos ecclesiarum seu oratoriorum rectores provoco, ut illud omnibus, ad quos spectat communicent et explicent memores clausulae, quae expositum indultum restringit ad oratoria provisa cum facultate Sacras Species habitualiter ibidem asservandi. Feria V die F Augusti 1907. SS-mus D. N. Pius divina providentia PP. X, in solita audientia R. P. D. Adsessori S. Officii impertita, ad fovendam fidelium pietatem eorumque grati animi sensus excitandos pro ineffabili Divini Verbi Incarnationis mysterio, motu proprio, benigne indulgere dignatus est, ut in omnibus et singulis sacrarum virginum monasteriis clausurae legi sub- iectis aliisque religiosis institutis, piis domibus et clericorum seminariis, publicum aut privatum Oratorium habentibus cum facultate Sacras Species habitualiter ibidem asservandi, sacra nocte Nativitatis D. N. I. C. tres rituales Missae vel etiam, pro rerum opportunitate, una tantum, servatis servandis, posthac in perpetuum quotannis celebrari Sanctaque Communio omnibus pie petentibus ministrari queat. Devotam vero huius vel harum Missarum auditionem omnibus adstantibus ad praecepti satisfactionem valere eadem Sanctitas Sua expresse declarari mandavit. Contrariis quibuscumque non obstantibus. PETRUS PALOMBELLI, S. R. U. I. Notarius. Favente divina providentia et benignitate concessum Nobis est nuper celebrare festum coelestis Nostri Patroni, qua occasione usi haud pauci e Clero testificari Nobis voluerunt, se supplices ad Deum tetendisse manus, ut intercessione sancti sui, quem patronum Nobis benigne constituit, necessarias muneri Nostro rite obeundo tribueret gratias. Firmiter tenentes multum apud Deum valere assiduam justi deprecationem, pergrato animo excepimus fusarum pro Nobis precum testificationem et arma haec spiritualia, quibus omnes virtutes acquiruntur, omnes difficultates superantur, omnes gratiae merentur, enixe commendantes, Nos quoque humilibus precibus Omnipotentem exorare non intermittimus, ut gregi et pastoribus curae Nostrae concreditis omnia praestare dignetur media mutuae caritatis et concordiae fovendae et augendae ad felicitatem temporalem et aeternam facilius obtinendam. Nr. 6780. Sua Eminentia gratias agit pro votis occasione diei onom. sibi a Clero oblatis. 34
