Circulares literae dioecesanae anno 1907 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
I.
Nr. 229. Dubia circa sacras ceremonias. Septembris 1906, Sanctitas Sua deliberationem Em. Patrum probavit et confirmavit, mandavitque ut evulgaretur per litteras S. C. Concilii, ut omnibus ad quos spectat lex et regula esset, contrariis quibuslibet minime obstantibus. Datum Romae, die 24 mensis Novembris 1906. f VINCENTIUS, Card. Episc. Praenestinus, Praef. L. f S. C. DE LAI, Secret. Insequentium dubiorum declarationes a Sacra Rituum Congregatione expostulatae sunt; nimirum: I. An clerici prima tantum tonsura initiati, ad mentem decreti 14 Martii 1906, tangere possint vasa sacra, et lintea sacra ac calicem praeparare in sacristia absque speciali induito? II. An omnes qui vestem talarem induunt, sint vel non tonsurati, debeant iuxta Rubricas Missalis (Ritus servandus in celebratione Missae, tit. II. 1) super- pelliceum induere dum Missae inserviunt? III. An Diaconus ratione ministerii sui possit, etiam praesentibus sacerdotibus et extra casum necessitatis, Sanctissimum Sacramentum de uno altari ad alterum deferre? IV. Iuxta Caeremoniale Episcoporum (Lib. II, cap. 3, n. 5) Celebrans Vesperarum, in initio huius Officii, quando ad suum locum pervenit, sedet paululum, exceptis pluvialistis; an omnes de choro sedere debeant in eodem momento, et in sensu affirmativo consuetudo contraria pro clero de choro potestne servari ? V. Utrum in Missa solemni coram SSmo Sacramento exposito Celebrans, postquam dixit in initio Oramus te et ad Offertorium Veni Sanctificator, debeat cum ministris rursus genufiectere antequam aliquantulum se retrahat versus cornu Evangelii in thuris impositione? A4. In eadem Missa, Subdiaconus, accepta patena post oblationem calicis, genuflectit in suppedaneo ad dexteram diaconi: debetne iterum genufiectere, cum venerit ante infimum gradum ? VII. Sacra Rituum Congregatio decrevit quod Missa Ordinationis in Sabbatis Quattuor Temporum sit deFeria : quaeritur utrum in hac Missa facienda sit commemoratio simplicis aut simplificati occurrentis? VIII. In quodam Seminario, studiorum causa sunt duae categoriae sacerdotum sub aliquo respectu distinctae sive quoad exercitia spiritualia, sive quoad alia exercitia. Alii eorum certae vivendi disciplinae minus stricte subiecti sunt et extra Seminarium in ecclesiss diversis Missam celebrant, alii vero in Seminario Missam celebrant. Iuxta indultum alumni omnes huius Seminarii se conformare tenentur Kalendario Congregationis religiosae ad quam pertinent Moderatores et Directores praedicti Seminarii. Quaeritur an utraque categoria sacerdotum huius Seminarii se conformare teneantur Kalendario eiusdem Familiae religiosae? IX. Utrum a sacerdote Missam celebrante in ecclesia dedicata alicui mysterio Divinarum Personarum vel in oratorio quod Titulare non habet, in oratione A cunctis nominari debeat Patronus loci, si in loco ubi celebrat consuetudo adsit faciendi in Suffragiis commemorationem de loci Patrono? X. Quando transfertur festum v. g. Annuntiatio B. M. V. in quo exequiae cum Missa exequiali prohibentur, haec prohibitio subsistitne die impedita vel die in qua Officium transfertur?
