Circulares literae dioecesanae anno 1906 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

VII.

68

adiungi queant duo vel quatuor clerici induti pluviali ?

Et Sacra Rituum Congregatio ad relationem subscripti Secretarii, exquisito Commissionis Liturgicae suffragio, omni- busque sedulo perpensis, rescribendum censuit:

Ad I. Inclinatio mediocris, id est capitis, et modica humerorum inclinatio, quae in casu habetur uti profunda.

Ad II. Nulla reverentia facienda est.

Ad III. Quoad lum. Nullam reverentiam debet facere;

Quoad 2um. Inclinationem mediocrem faciant;

Quoad 3um., 4um. et 5um. Nulla reverentia facienda est; at si acolythus transeat ante altare genuflectat in medio.

Ad IV. Nulla reverentia facienda est.

Ad V. Quoad lum. Negative.

Quoad 2um. Provisum in praecedenti.

Ad VI. Ambo genua flectat in infimo gradu, inclinationem mediocrem faciat, assurgat et ponat incensum in thuribulo.

Ad VII. Ministri genufiexi maneant, librum sustinendo iuxta Caeremoniale Episcoporum lib. II, cap. XXXIII, n. 27.

Ad VIII. Quoad lum. Affirmative si Benedictio cum SSmo. Sacramento fiat immediate post Vesperas solemnes, id est si Celebrans cum Pluvialistis non recedat ab altari: dummodo alter sacerdos vel diaconus exponat et reponat SSmum. Sacramentum, illudque Celebranti tradat et ab eo recipiat.

Quoad 2um. Negative.

Atque ita rescripsit. Die 16 Februarii

1906. — A. Card. Tripepi, Pro-Praefactus. — t D. Panici, Archiep. Laodicen., Secretarius.

Recurrente tempore coronis celebrandis statuto attentos Vos, Venerabiles in Christo Fratres, reddere volumus ad laudabilem consuetudinem, quam a pluribus districtibus vicearchidiaconalibus introductam ingenti cum gaudio comperimus. Adorationem nempe SSmae. Eucharistiae intelligimus a coadunatis fratribus ex occasione congregationum pastoralium pro locorum circumstrantiis plus minusve so- lemni modo in corpore peractam.

Aptissime huiusmodi commune pietatis exercitium respondet fini, quem S. Carolus Boromaeus collationibus cleri praefixit hisce verbis: „Sunt enim tanquam scholae non solum studiorum, sed etiam officiorum ecclesiasticorum, in quibus pietatis officia populo praestantur.w (Instr. congr. dioec.). Pastorum suorum exemplo magnopere sane excitatur grex fidelium ad adorandum et tenerrimis gratitudinis testimoniis amplectendum Deum et Salvatorem nostrum in augustissimo Eucharistiae mysterio inter nos habitantem. Tali ratione congregationes districtuales plurimam benedictionem diffundent in parochias, in quibus asservantur, fovendo ac augendo fidem ac pietatem fidelium.

Sed et ipsae consultationes Vestrae salutaria incrementa capient a lumine, quod promittitur accedentibus ad Dominum Eucharisticum : „Accedite ad eum et illuminamini“ (Ps. 33, 6.)

Cum igitur Sancta Mater Ecclesia nil antiquius ac sanctius habeat, quam omnem sollicitudinem eo convertere, ut abscondito in hoc SSmo. Sacramento Deo ferventissimus praestetur cultus tam ex parte fidelium quam imprimis ex parte sacerdotum, quippe qui propius vi muneris sui ad illud accedunt: praxim memoratam enixe commendamus. Suapte intelligitur

Nr. 1638.

De SSae. Eucharistiae adoratione in coronis.