Circulares literae dioecesanae anno 1906 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

II.

Preces pro aegrotante Archiepiscopo indicuntur.

(Nr. 466.)

Adorabilis divina providentia, a cuius mirabili dispositione pendet vita et mors, permisit, ut benignissimus Archi- praesul Noster, qui iam inde ab aliquot diebus infirmabatur, graviori cruciaretur febri, cuius morbi exitus in solius Dei est potestate.

Quamvis persuasum habeam universum clerum ac fidelem populum jugiter pro incolumitate benignissimi Patris Nostri fundere preces, nihilominus, ut divinam misericordiam pro restituenda pristina sanitate Eminentissimi Archipraesulis ferventius et instantius deprQcemur, praesentibus dispono:

1. Ut omnes Sacerdotes huius Archi- dioeceseos in Sacro quotidie sumant collectam pro infirmo Archiepiscopo, quae habetur in Missa pro infirmis;

2. ut post Missam parochialem et cultum divinum pomeridianum cum fideli populo recitetur ter Pater et Ave.

Acquiescamus voluntati divinae et spem foveamus, fore, ut bonitas divina, precibus nostris, quamvis indignis, exorata, faciat misericordiam cum servo suo infirmo et conservet eum in sancti nominis sui gloriam et animarum salutem.

Datum Strigonii, die 31. Januarii 1906.

Dr. Ludovicus Raj ner m. p.

Vicarius Generalis.