Circulares literae dioecesanae anno 1905 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XIV.
113 XIV. Nr. 2520. De usu musicorum instrumentorum in sacris functionibus. Emus et Rmus Dnus Cardinalis lose- phus M. de Herrera g de la Iglesia, Archi- episcopus Compostellanus, ad Sacram Rituum Congregationem mittens elenchum tum festorum quae in sua ecclesia Ca- thedrali solemniter celebrantur cum musica vocali et instrumentali, vulgo orquesta; tum instrumentorum quibus musici utuntur in iisdem solemnitatibus: atque insuper interpretationem authenticam habere desiderans super iis, quae Sanctissimus Dominus Noster Pius Papa X in Motu proprio super musica sacra statuit, nempe: „Aliquoties, servatis servandis, admitti possunt alia musica instrumenta, sed annuente Episcopo, ut Caeremoniale Episcoporum praecipit,“ eidem Sacrae Congregationi sequentia dubia enodanda reverenter proposuit, videlicet: I. An, et in quibus festis permitti possit usus instrumentorum, quae (vulgo violines, violas, violoncello, contrabajo, flauta, clarinetes, fagots, trompas) in elencho recensentur ? II. An permitti possit usus instrumentorum in Officio et Missa defunctorum? III. An proscribendus sit in ecclesiis parochialibus et conventualibus usus organi dicti harmonium in Officio et Missa defunctorum ? Sacra porro Rituum Congregatio ad relationem subscripti Secretarii, exquisito voto Commissionis super Musica et Cantu sacro, rescribendum censuit: Ad. I. Ad primam partem Affirmative; ad secundam partem, in illis functionibus et temporibus, in quibus sonus organi aliorumque instrumentorum non prohibetur a Caeremoniali Episcoporum, a praedicto Motu proprio et a Decretis S. R. C. uti in Pisana 20. Martii 1903, et in Compostellana 8. Ianuarii 1904 super Triduo Maioris Hebdomadae; verum iuxta prudens Ordinarii arbitrium in singulis casibus cum dispensatione a lege et praxi communi adhibendi in sacris functionibus cantum Oregorianum vel musicam poliphonicam aut aliam probatam. Ad II. In Officio Negative; in Missa et Absolutione post Missam, prouti in responso ad I. et servatis servandis, ita ut sonus organi aliorumque instrumentorum tantum ad sustinendas voces adhibeatur et sileant instrumenta cum silet cantus iuxta Caeremoniale Episcoporum, lib. I. cap. 18. n. 13. Ad III. Provisum in praecedenti. Atque ita rescripsit, die 15. Aprilis 1905. A. Card. Tripepi, Pro-Praefectus. f D. Panici, Archiep. Laodicen., Secre- tarius. 20
