Circulares literae dioecesanae anno 1904 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XV.
171 Nr. 3215. Indulg. conceduntur intuitu festi S. Francisci Assisiensis. PIUS PP. X. AD PERPETUAM REI MEMORIAM. Suffragiis votisque annuentes Ministri Generalis Ordinis Fratrum Minorum, quo festum Sancti Francisci Assisiensis uberiori cum spirituali emolumento, in universo terrarum orbe agatur, de Omnipotentis Dei misericordia ac BB. Petri et Pauli App. eius auctoritate confisi, omnibus et singulis ex otroque sexu Christifidelibus, vere poeni- tentibus et confessis ac S. Communione refectis, qui quamlibet ubique terrarum Ecclesiam sive publicum Sacellum die festo Sancti Francisci Assisiensis vel uno ex septem diebus continuis immediate subse- quentibus, cuiusque fidelium arbitrio eligendo, visitaverint ac pro Christianorum Principum concordia, haeresum extirpatione, peccatorum conversione ac S. Matris Ecclesiae exaltatione ibi ad Deum preces effuderint, Plenariam omnium peccatorum suorum indulgentiam et remissionem misericorditer in Domino concedimus. Insuper dictis fidelibus, corde saltem contritis, quoties similiter in qualibet Ecclesia sive publico Oratorio vel novemdialibus supplicationibus, vel piis per mensem exercitiis in S. Francisci honorem celebrandis adfuerint, in forma Ecclesiae solita de numero poenalium dierum trecentos expungimus. Tandem largimur fidelibus iisdem, si malint, liceat plenaria ac partialibus hisce indulgentiis functorum vita labes poenasque expiare. Contrariis non obstantibus quibuscumque. Praesentibus perpetuo valituris. Sed praecipimus, ut praesentium Litterarum authenticum exemplar transmittatur ad Congregationem Sacris Sanctorum Reliquiis Indulgentiisque praepositam, alioquin praesentes nullae sint; utque praesentium Litterarum | transsumptis seu exemplis etiam impressis, manu alicuius notarii publici subscriptis et sigillo personae in ecclesiastica dignitate constitutae munitis eadem prorsus fides adhibeatur, quae adhiberetur ipsis praesentibus si forent exhibitae vel ostensae. Datum Romae apud Sanctum Petrum sub Annulo Piscatoris, die XXVIII. Februarii MCMIV. Pontificatus Nostri Anno primo. Pro D.no Card. MACCHI, NICOLAUS MARINI, Substitutus. Praesentium Litterarum authenticum exemplar transmissum fuit ad hanc S. Congregationem Indulgentiis Sacrisque Reliquiis praepositam. In quorum fidem etc. Datum Romae, ex Secretaria eiusdem S. Cong.nis, die 11. Marti 1904. JOSEPHUS M. CAN. COSELLI, Substitutus. Adalbertus Kanovics abbas, V.-A.-D. Ord. et parochus ad S. Josephum Buda- pestini, occasione quinquagesimi sacerdotii sui anniversarii juxta rescriptum exci. reg. hung. Cultus et Pubi. Institutionis Ministerii die 7-a m. curr. sub Nro 3954 emanatum, clementissima Suae Majestatis regis nostri apostoliéi resolutione 3-a m. curr. Viennae lata, titulo el. Episcopi Corzolaensis fuerat condecoratus et insignitus. Krammer Franciscus salvo munere professoris theol. moralis, director spiritualis nominatus est auditorum theologiae; item Pécsi Gustavus alumnorum classes gymnasiales frequentantium et Babura Ladislaus praefectus seminarii s. Steph. Strigoniensis. Kmoskó Michael nominatus est praefectus seminarii centr. Budapestinensis. Nr. 3351. Adalbertus Kanovics el. Eppus. Nr. 3123. Mutationes in statu personali.
