Circulares literae dioecesanae anno 1904 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XIII.
137 Nr. 2425. S. Congr. Indulg. concedit, plen. in articulo mortis lucrandam. Praesenti in perpetuum valituro. Contrariis quibuscumque non obstantibus. Datum Romae ex Secretaria eiusdem s. Congreg., die 23. Martii 1904. L. f S. ALOISIUS Card. TRIPEP1 Praef. Pro Secretario, IOS. M. Can.cus COSELLI, Sub.tus. URRIS ET OREIS. Indulg. plen. in articulo mortis lucranda conceditur iis qui sequentem actum adhuc in vita emittunt. Christifideles iam prope morituros pia Mater Ecclesia nunquam praetermisit opportunis pro rei necessitate solari subsidiis. Saluberrimis autem hisce adiumentis recens aliud iamnunc accenseri potest. Nam pleri- que e clero iique potissimum, qui curae animarum incumbunt, ut in dies spirituali hominum bono in supremo vitae discrimine provideatur, Sanctissimo Domino Nostro Pio Pp. X. preces admoverunt, quo Christifideli- bus sequentem actum adhuc in vita emittentibus: „Domine Deus meus, iam nunc quodcumque mortis genus prout Tibi placuerit, cum omnibus suis angoribus poenis ac doloribus de manu tua aequo ac libenti animo suscipio,“ plenariam indulgentiam in articulo mortis consequendam elargiri dignaretur. Has vero preces, relatas in Audientia habita die 9. Martii 1904. ab infrascripto Cardinali Praefecto S. Congregationis Indulgentiis Sacrisque Reliquiis praepositae, Eadem Sanctitas Sua peramanter excipiens, benigne concessit, ut omnes Christifideles, qui, die ab eisdem eligendo, sacramentali confessione rite expiati sacraque Synaxi refecti, cum vero Charitatis in Deum affectu, praedictum actum ediderint, plenariam indulgentiam in ipso mortis articulo lucrari valeant. Praesenti in perpetuum valituro. Contrariis quibuscumque non obstantibus. Datum Romae ex Secretaria eiusdem S. C., die 9. Martii 1904. L. f S. A. Card. TRIPEPI, Praei. Pro Secretario, IOS. M. Can.cus COSELLI, Sub.tus. DECRETUM. De observandis et evitandis in missarum manualium satisfactione. Ut debita sollicitudine missarum manualium celebratio impleatur, eleemosynarum dispersiones et assumptarum obligationum obliviones vitentur, plura etiam novissimo tempore S. Concilii Congregatio constituit. Sed in tanta nostrae aetatis rerum ac fortunarum mobilitate et crescente hominum malitia, experentia docuit cautelas vel maiores esse adhibendas, ut piae fidelium voluntates non fraudentur, resque inter omnes gravissima studiose ac sancte custodiatur. Qua de causa Emi S. C. Patres semel et iterum collatis consiliis, nonnulla statuenda censuerunt, quae SSmus D. N. Pius PP. X. accurate perpendit, probavit, vulgarique iussit, prout sequitur. Declarat inprimis Sacra Congregatio manuales missas praesenti decreto intelligi et haberi eas omnes, quas fideles oblata manuali stipe celebrari postulant, cuilibet vel quomodocumque, sive brevi manu, sive in testamentis, hanc stipem tradant, dummodo perpetuam fundationem non constituant, vel talem ac tam diuturnam ut tamquam perpetua haberi debeat. Pariter inter manuales missas accenseri illas, quae privatae alicuius familiae patrimonium gravant quidem in perpetuum, sed Nr. 2424. Decretum S. Congr. Cone, de observandis et evitandis in missarum manualium satisfactione.
