Circulares literae dioecesanae anno 1904 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XII.

129

XII.

Nr. 2072.

Institutum propagandae fidei commendatur et festum S. FrancisciXav. ad ritum dupl. provehitur.

SANCTISSIMI DOMINI NOSTRI

PII

DIVINA PROVIDENTIA

PAPAE X.

BREVE

QUO INSTITUTUM A FIDEI PROPAGATIONE FOVETUR ET COMMENDATUR ET QUO

SANCTI FRANC1SCI XAVERII DIES FESTUS AD RITUM DUPLICEM MAIOREM APUD UNIVERSAM ECCLESIAM PROVEHITUR.

PIUS PP. X

Ad perpetuam rei memoriam.

In Apostolidon sublecti munus atque in ipso christiani sacerdotii vertice, divinae clementiae dono collocati, longe maiorem profecto sollicitudinem sustinendam suscepimus, quam quae romani vigilantia gregis contineatur. Excessurus enim e terris Christus Apostolos iussit, et in his Petrum praecipue, quem non modo dignitate sed etiam coelestis gloriae studio praelucere ceteris voluit, gentes edocere universas, salubrem- que doctrinae novae praedicationem ad remotissimas quasque aut immanissimas orbis partes afferre. Porro divinis praeceptis obsequentes, Decessorumque Nostrorum clarissima exempla sectantes, nihil esse magis

officio nostro consentaneum arbitramur, quam ut si quae ad patefaciendum Evan- gelii lumen atque ad proferendos Ecclesiae terminos videantur conducere, iis voluntatem omnem gratiamque impertiamus. Inter haec autem utilitate atque opera praestat opus illud summa laude dignum, quod a „Fidei propagatione“ nobile nomen accepit. Huius origo operis divino plane instinctu in medios homines profecta videtur. Nam fidelis Ecclesiae populus quia non in praedicanda Christi doctrina haberet sibi demandatam provinciam consultum Dei providentia est, ut stipe ac subsidiis Evangelii praecones iuvaret. Suasit hac de caussa caritas, qua in Christum Redemptorem optimorum hominum pectora urgebantur, fideles ex omni gente ac natione coalescere in unum, conferre ex opibus aliquid in expeditiones sacras submittendum, sociata etiam prece administris sacrorum succurrere, atque ita id assequi, quod votorum summa esset, divini nempe regni in terris incrementum. Compertum autem apud omnes est id genus sodalitatem praeclare de propaganda Christiana fide meruisse. Quod enim suppeteret unde catholicae doctrinae nuntii ad dissita ac barbara loca contenderent beneficia illuc ■ religionis nostrae humanique cultus allaturi, tam nobilis coetus tribui largitati debet. Hinc initia salutis innumeris populis parta :

20