Circulares literae dioecesanae anno 1903 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XXII.
202 adiicere ad amplissimum Collegium vestrum Venerabiles Fratres, supplendum; cuius honore afficere hodie duos lectos viros decrevimus. Alter, vestris ipsorum testimoniis per interregnum ornatus, praestantem animi et ingenii indolem, paremque gerendarum rerum prudentiam paucis hisce mensibus Nobis egregie probavit. Alterius eximia pietatis doctrinaeque ornamenta, et in diuturna episcopalis procuratione muneris absolutam numeris omnibus diligentiam iamdiu Ipsi habemus explorantissima. Ii autem sunt. Raphael Merry del Val, Archiepiscopus tit. Nicaenus: Josephus Callegari, Episcopus Patavinus. Quid vobis videtur? Itaque auctoritate omnipotentis Dei, sanctorum Apostolorum Petri et Pauli et Nostra creamus et publicamus S. R. E. Presbyteros Cardinales Raphaclem Merry del Val, Josephum Callegari. Cum dispensationibus, derogationibus et clausulis necessariis et opportunis. In Nomine Patris f et Filii f et Spiritus f Santi. Amen. PIUS PP. X. Nr. 4878. E S. Rit. Congregatione de festo Patrocinii S. Vincentii a Paulo. Indulgentur Congregationi Missionis festum de Patrocinio Si Vincentii a Paulo die 20. Decembris celebrandum. Quo magis cultus et pietas in sanctum Vincentium a Paulo, Congregationis Missionis et Puellarum a Caritate Parentem et Fundatorem, necnon omnium Societatum Caritatis peculiarem Patronum, foveatur et promoveatur, Rmus Dominus Antonius Fiat, praefatae Congregationis Superior Generalis, a Sanctissimo Domino Nostro Pio Papa X. supplex efflagitavit, ut in Ecclesiis et Capellis Congregationis Missionis et Pauli arum Caritatis festum peragi valeat de Patrocinio S. Vincentii a Paulo, die 20. Decembris quotannis recolendum, cum Officio et Missa propria, iuxta schema Apostolicae Sedis sanctioni demisse subiectum; prouti aliis Ordinibus seu Congregationibus simile festum de eorum sanctis Fundatoribus concessum est. Huiusmodi vero Officium et Missam, quum de more Emus et Rmus Dominus Cardinalis Vincentius Vannutelli, Episcopus Praenestinus et Causae Ponens seu Relator in Ordinario Sacrorum Rituum Congregationis Coetu, subsignata die ad Vaticanum habito, proposuerit; Emi et Rmi Patres Sacris tuendis Ritibus praepositi, omnibus mature perpensis, auditoque R. P. D. Alexandro Verde, S. Fidei Promotore, rescribendum censuerunt: „Pro gratia et ad Emum Ponentem cum Promotore Fidei.“ Die 1. Septembris 1903. Facta postmodum de his SSmo eidem Domino Nostro per subscriptum Sacrae Rituum Congregationis ratam habuit; ac suprascriptum Officium cum Missa revisum atque emendatum approbare atque cum ipso Festum Patrocinii sancti Vincentii a Paulo die 20. decembris sub ritu duplici maiori, Ecclesiis et Oratoriis Congregatonis Missionis et Puellarum Caritatis recolendum, concedere dignata est: servatis rubricis. Contrariis, non obstantibus quibuscumque. Die 7. iisdem mense et anno. M. Card. MOCENNI. L. f S. f D. PANICI, Archiep. Laodicen., Secret.
