Circulares literae dioecesanae anno 1903 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XIII.

125

Oremus pro novo Pontifice!

(Nr. 2966.)

I.

Preces pro felici novi Pontificis electione.

Ne visibili capite orbata diu lugeat Sancta Mater Ecclesia, proxime coadunati erunt S. R. E. Cardinales in conclavi, ut juvante divina gratia novus super oves pascuae Domini suscitetur Pastor et habeatur Pontifex sanctus, innocens, impollutus.

Hortamur vos itaque Venerabiles ac Dilectissimi Fratres, assiduis exoretis Omnipotentem precibus, ut Eminis Patribus viduitati Ecclesiae consulturis coelesti suo adjutorio clementissime assistere et voluntatem suam quoocyus manifestare dignetur.

Hanc ob causam publicas etiam preces pro felici novi Romani Pontificis electione indicendas decrevimus et prout sequitur praescribimus :

1. die post mortem Pontificis undecima, i. e. die 31. mensis currentis, in omnibus (cathedrali, collegiatis, parochialibus et reguliarum) ecclesiis celebretur votiva so- lemnis „Missa pro eligendo summo Pontifice“ (Suscitabo), uti habetur in Missali Romano post Miss, votiv. R. M. V. in qua Gl., Or. unica, Cr. Praef. de Spiritu s., Ite missa est (in tono solemn!), ult. ev. s. Joannis. coi. alb.;

2. praesentibus perceptis, omnes in hac arcbidioecesi sacrum facientes — omissa

in Canone Pontificis mentione — sumant quotidie collectam pro eligendo summo Pontifice (ex Missa ut supra) qua imperatam, in omnibus missis etiam solemnibus, nullo habito respectu officii aut ritus qualitatis (in missis solemnibus tamen dupl. I. cl. dic. sub una conclusione).

3. die post obitum Pontificis duodecima, die nempe 1. Augusti, qua in apos- tolico conclavi inclusi Cardinales ad negotium electionis procedent, in cathedrali eccl. Strigon. celebretur Missa votiva so- lemnis de Spiritu Sancto.

Haec stricte ab omnibus Sede Aposto- lica vacante servari volumus. Caetera autem pietati singulorum curionum et ecclesiarum rectorum potius relinquimus, facultatem cuique eorum tribuentes, quatenus ubi diebus hisce viduitatis Rosarium Mariale ad mentem Matris Ecclesiae et pro felici Romani Pontificis electione cum fidelibus recitare voluerint, s. Eucharistiae Sacramentum in ostensorio publicae venerationi exponere possint ac valeant. Omnibus insuper nostrae archidioeceseos christifidelibus, qui devotioni tali interfuerint et quinque decades Rosarii R. M. Virginis recitaverint, octoginta dierum indulgentias in Domino elargimur.

II.

Observanda post creationem novi Pontificis.

1. Statim ac subsecuta novi Romani Pontificis electio seu creatio fide digne innotuerit, pulsandae erunt omnes res- pectivae Ecclesiae campanae. Item hora circa septimam vespertinam illius diei, omnes pariter campanae per spatium semihorae pulsandae venient.

2. Die sequenti in ecclesia cathedrali et collegiatis celebretur Missa votiva solem- nis, ut in cathedra b. Petri A. (18 Januarii)