Circulares literae dioecesanae anno 1903 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
II.
ô Nr. 100. Cardinalis gratias agit pro votis. Nr. 151. Terminus examinum prosynodalium. Nr. 57. Circa methodum peragendi exercitium Viae crucis in sacellis Sororum religiosarum. Officia literarum, quibus reverso anni curriculo Venerabilium Fratrum Filiorumque carissimorum bene multi Antistitem prose- quuti sunt, fausta quaeque a sospitatore Deo adprecantes, gratissima accidere, utpote ex intimo ac sincero animi affectu deprompta. Dum igitur haec humanitatis et filialis studii testimonia gratias ago, vicissim, precor ut Deus Pater misericordiarum, vota quoque mea benignus respiciat, caritatis praesertim germina, concordiam quippe et pacem in Vobis augeat, divitiisque gratiae suae cumulate repleat Rex pacificus, cui laus, honor et gloria in saecula. Arnen. Pro instituendo prosynodali examine et quidem vernali dies 28 et 29 Aprilis; autumnali autem 22 et 23 Septembris defiguntur. Qui examini se sistere volunt, intentionem suam octiduo ante diem examinis officio Archidioecesano significent. feuperiorissa Generalis Instituti Adorationis Perpetuae, cuius domus princeps extat Bruxellis in Archidioecesi Mechliniensi huic S. Congregationi Indulgentiis Sacrisque Reliquiis praepositae sequentia exponit: In Decreto huius S. C. die 6. Augusti 1757 praescribitur, in pio Viae Crucis exercitio publice peragendo ob angustiam loci unumquemque de populo locum suum tenere posse, dummodo Sacerdos cum duobus clericis sive cantoribus circumeat ac sistat in qualibet statione ibique consuetas preces recitet. Anno elapso ab eadem S. Congregatione quaesitum fuit I. „An ista methodus servari quaeat, ob angustiam loci, in sacellis domorum communitatem religiosarum“ et II. „An loco Sacerdotis cum duobus clericis unus tantum e fratribus non Sacerdos circumire ac sistere in qualibet statione suetasque preces recitare valeat“, et S. Congregatio in una Instituti Fratrum Maristarum a Scholis diei 27. Februarii 1901 respondit „Affirmative ad utrumque“. Nunc vero praefata Superiorissa sequens dubium solvendum proponit: „An loco unius ex fratribus in domibus religiosarum, una ex sororibus circumire ac sistere in qualibet statione suetasque preces recitare valeat?“ S. Congregatio, audito unius ex Consultoribus voto respondit: „Affirmative.“ Datum Romae ex Secretaria eiusdem S. Congregationis die 7. Maii 1902. S. Card. Cretoni, Praefectus. f Franciscus Sogaro, Archiepiscopus Amiden. Secr. 2
