Circulares literae dioecesanae anno 1902 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
III.
16 simo patenter exponendo, recitentur actus fidei, spei et caritatis, uno addito Pater et Ave pro omnimoda Papae incolumitate ut anno mox in sequente episcopatus sexagesimum, simulque summi pontificatus vicesimum quintum annum feliciter agere et claudere valeat. Decantatis strophis „Tantum ergo“ et „ Genitori“ solita detur benedictio atque cantetur hymnus pontificius: „Hol sz. Péter.“ Huic autem Missae et sacrae cerimoniae assistere debebunt scholares omnes, institutorum et coetuum catholicorum sodales, cum suis rectoribus, magistris ac respective professoribus. 4. Toto Jubilaei anno in fine cuiusque cultus divini solennis cantetur hymnus: „Hol sz. Péter.“ 5. In omnibus institutis et scholis catholicis servetur aliqua solennitas seu sic dicta academia, cuius diem respectivi superiores statuent; 6. denique, cum festiva haec Romani Pontificis solennitas integro anno duratura, opportunam praebeat occasionem colligendae stipis Petrianae, monendi fideles, ut hac etiam ratione suum in b. Petri cathedram studium, caritatemque suam et filialem pietatem in Principis Apostolorum successorem testari aemulentur. Datum Budapestini, die 7 Februarii 1902, consecrationis nostrae episcopalis anniversario decimo. Claudius Card., AEppus.
