Circulares literae dioecesanae anno 1901 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
III.
19 880. sz. Köszönet a névnapi üdvözletekért. 881. SZ. Sz. Beda miséje és officiunia szétküldetik. Pro votis recurrense die mea natali tam per singulos Ven. Fratres, quam integros etiam districtus depromptis intimas hisce refero grates, omnibusque vicissim sincero de corde uberrimas adprecor Omnipotentis benedictiones. URBIS ET ORBIS. Quo Sancti Bedae Venerabilis, tot illustrium scriptorum et summorum Pontificum praeconiis condecorati, honor et cultus augeatur, complures sacrorum Antistites praesertim ex Anglia, supplicibus ad Pium Papam IX. fel. rec. litteris, et nuperrime iteratis precibus Sanctissimo Domino Nostro Leoni Papae XIII. porrectis, enixe postularunt, ut dies festus hujus sancti ac praeclari Confessoris in toto Catholico orbe agi valeat cum Officio et Missa propria Ecclesiae Doctoris, prouti aliquibus locis atque universis sodalibus Benedictinis et Cisterciensibus jamdiu concessum fuit. Illud etiam Ven. Card. Bellarmini effatum ingenti cum animi gaudio atque spe commemorarunt: Reda Occidentem, Damascenus Orientem sapientia sua illustravit; insimul asserentes ea omnia quae juxta Benedictum XIV. in Opere de Canonizatione Sanctorum lib. IV. part. 2. cap. 11. n. 13. pro adjudicando titulo Ecclesiae Doctoris necessaria sunt, Sancto Bedae apprime convenisse. Placuit autem ipsi Sanctissimo Domino Nostro ejusmodi tam gravis negotii examen Sacrorum Rituum Congregationi committere. Quae exquisito prius doctissimi viri suffragio typis cuso, in Ordinariis Comitiis die 11. Julii hoc vertente anno ad Vaticanum habitis, infrascripto Cardinali Sacrae eidem Congregationi Praefecto et Relatore, sequens dubium discutiendum atque expendendum suscepit: „An sit extendendum ad universam Ecclesiam Festum S. Bedae Venerabilis cum Officio et Missa propria, addita Doc- toris qualitate?“ Et Sacra eadem Congregatio, omnibus rite perpensis, auditoque R. P. D. Joanne Baptista Lugari Sanctae Fidei Promotore, rescribendum censuit: „Supplicandum Sanctissimo pro extensione Officii et Missae S. Bedae Venerabilis ad Universam Ecclesiam, addita Doctoris qualitate.“ Quam resolutionem Sanctissimo Domino Nostro Leoni Papae XIII. ab ipso infras- cripto Cardinali relatam, Sanctitas Sua ratam habuit et confirmavit, atque insuper ex ipsius Sacrae Congregationis consulto concedere dignata est, ut Festum S. Bedae Venerabilis cum Officio et Missa propria Confessoris et Ecclesiae Doctoris, prouti huic praejacent decreto, die 27. Maji quae est natalitia, eaque impedita juxta Rubricas, die prima insequente libera, ab universa Ecclesia sub ritu duplici minori inde ab anno 1901 in posterum recolatur. Tandem idem Sanctissimus Dominus Noster supra- dictum Officium cum Missa de S. Beda Venerabili, sub enunciato ritu in Kalendario Universali et in novis editionibus Breviarii et Missalis Romani deinceps inseri jussit. Contrariis non obstantibus quibuscumque. Die 13. Novembris 1899. C. Episc. PRAENESTIN. Card. MAZZELLA, S. R. C. Praef. D. PANICI, S, R. C. Secretarius. (L. f S.) Memoratum hoc Officium necnon Missam contemporanee cum his litteris singulis ecclesiis et cunctis Ven. Fratribus transmitti curavimus. 4 <i
