Circulares literae dioecesanae anno 1900 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XVIII.
142 Nr. 5090. Decretum Suae Sanctitatis Leonis XIII. quo Archi- Capitulo Strigoniensi distinctio confertur. Stabiliorem clarioremque reddere cupiens celeberrimae illius memoriam festivitatis, quam nono vertente saeculo introducti in patriam nostram christianismi nactaeque a b. m. Pont. Max. Silvestro II. sacrae coronae 15-a Augusti a. curr. Strigonii habuimus : supplex adii Suam Sanctitatem, ut Archi- Capitulum meum Strigo niense benignissima condecorare dignetur altiori distinctione. Pronas clementissime precibus meis praebendo aures, singulis et omnibus perpe- tuumque in modum Beatissimus Pater archi- capituli canonicis realibus titulum privilegiaque tribuere dignatus est „Protonotario- rum Apostolicorum adinstar Participantium“, vigore altissimi decreti .dto 2. Augusti a. curr. emanati, cujus tenor est sequens : „LEO PP. XIII. Ad perpetuam rei memoriam. Romanorum Pontificum Decessorum Nostrorum vestigiis insistentes, Conlegia virorum ecclesiasticorum, qui in templis praeclarissimis divinis laudibus concinendis operam navant, . sacrorum insignium accessione condecorare solemus, quae et sacrarum aedium splendori et muneris dignitati respondeant. Hoc consilio, cum nonum iam sese vertat saeculum, ex quo christiana fides, Sancto Stephano Rege, est per Hungáriám late diffusa, et Metropolita Strigoniensis ad perennandam festi saecularis memoriam Nos enixis precibus flagitaverit, ut Canonicis residentialibus Metropolitani sui Capituli usum peculiarium insignium et tituli de Nostra benignitate largiri dignaremur; Nos, ut Capituli ipsius vetustate et religione celeberrimi amplitudini ac decori uberius consulamus, votis huiusmodi annuendum libenti quidem animo existimavimus. Quae cum ita sint, singulos atque universos, quibus Nostrae hae Literae favent, a quibusvis excommunicationis et interdicti, aliisque ecclesiasticis sententiis, censuris et poenis, si quas forte incurrerint, huius tantum rei gratia absolventes, et absolutos fore censentes, omnibus et singulis Canonicis residentialibus nunc et inposterum existentibus Capituli Metropolitani Strigoniensis (non vero Canonicis Coadjutoribus, si adsint, neque Canonicis honorariis seu titularibus) Apos- tolica* Nostra Auctoritatae praesentium vi perpetuumque in modum privilegium concedimus gestandi, servatis servandis, vestes praelatitias cum adnexo titulo Protonota- riorum Apostolicorum ad instar participantium. Decernentes praesentes Literas firmas, validas, et efficaces existere et fore, suosque plenarios et integros effectus sortiri et obtinere, iliisque ad quos spectat et spectare poterit in omnibus et per omnia plenissime suffragari, sicque in praemissis per quoscumque Judices ordinarios et delegatos indicari et definiri debere, atque irritum et inane si secus super his a quoquam quavis auctoritate scienter vel ignoranter contigerit attentari. Non obstantibus in contrarium facientibus quibuscumque. Datum Romae apud S. Petrum sub annulo Piscatoris die II. Augusti MCM. Pontificatus Nostri Anno Vigesimotertio. L. S. Alois. Card. Macchi m. p.“ Die 6 curr. post longam eamque gravem invaletitudinem ad aeternitatem evocatus est Szecsey Franciscos curio ecclesiae Felsö-Thúr, anno aetatus 41, sacerdotii 18. Cuius animam piis ad aram suffragiis commendo, concursum autem pro parochia, quam vacantem reliquit, usque 30. Decembris a. c. duraturum publico. Nr. 4819. Obitus Szecsey Fran- cisci et concursus pro parochia Felső-Thúr.
