Circulares literae dioecesanae anno 1900 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XV.
Nr. 3796. Decretum circa facultates audiendi confessiones fidelium navigantium. — 107 XV. In Congregatione Generali S. Romanae et Universalis Inquisitionis habita fer. IV. die 4. Aprilis 1900. quum disceptatum fuisset super facultate Sacerdotum iter transmarinum facientium excipiendi Fidelium eiusdem itineris comitum Sacramentales Confessiones, Emi ac Rmi DD. Cardinales in universa Christiana Republica Inquisitores Generales, ad omnem in posterum hac super re dubitandi rationem atque anxietatibus occasionem removendam, decreverunt ac declararunt : Sacerdotes quoscumque transmarinum iter arripientes, dummodo a proprio Ordinario Confessiones excipiendi facultatem habeant, posse in navi toto itinere durante Fidelium secum navigantium Confessiones excipere, quamvis forte inter ipsum iter transeundum, vel etiam aliquandiu consistendum sit diversis in locis diversorum Ordinariorum iurisdictioni subiectis. Hanc autem Emorum Patrum resolutionem SSmus D. N. Leo div. prov. PP. XIII. per facultates Emo D. Cardinali S. Officii Secretario impertitas, benigne adprobare et confirmare dignatus est. Ilottovinszky Carolus v. a. d. surr, et parochus ecclesiae Balassagyarmat, nec- non Novák Ludovicus professor religionis nominati sunt E. M. S. canonici ad honores. Pro beneficiis parochialibus in Bozók, Komárom, Nagy-Kereskény, Nagyzellö, Péli- föld-Sz.-Kereszt, Szakai per resignationem et Szenicz per obitum curionis vacantibus, concursus publicatur usque 20 Octobris a. c. duraturus. Canonici E. M. S. nominati sunt Proto- notarii Apostoliéi ad instar participantium, — C. Pongrácz Adolphus praepositus curatus in Vágujhely nominatus est Antistes Urbanus, — L. B. Gudenus Arthurus S. Notarius Sedis, — item Andor Georgius cerimoniarius — necnon Dessewffy Julius parochus ecclesiae Palást emeritus, nominati sunt cubicularii Suae Sanctitatis secreti ad honores in habitu violaceo. Nr. 3300. Novi E. M. S. canonici ad honores. Nr. 3401. Concursus pro parochiis Bozók, Komárom, Nagy-Kereskény, Nagyzellö, Péliföíd- Sz.-Kereszt, Szakai et Szenicz. Nr. 3402. Distinctiones pontificiae. 20
