Circulares literae dioecesanae anno 1899. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
XII.
93 XII. DECRETUM. Quum tanta commeandi ac itinerum suscipiendorum et perficiendorum facilitas illud etiam commodi attulerit, ut Episcopi diversarum Dioecesium saepius conveniant, sive ad festum aliquod solemnius agendum, sive ad coetus episcopales celebrandos, quaesitum est: utrum liceat Episcopo Dioecesano thronum suum alteri Episcopo cedere. Hinc Sacra Rituum Congregatio quaestionem super hac throni cessione sibi pluries delatam, studiose pertractare opportunum duxit. Quare ab E.iuo ac R.mo ac D.no Cardinali Andrea Steinhuber Relatore, in Ordinariis comitiis subsignata die ad Vaticanum habitis, propositum fuit dubium: „An Episcopus Dioecesanus gaudeat hire cedendi thronum suum alteri Episcopo cum Rmo.rum Canonicorum adsistentia sibi debita?“ Et Sacra eadem Congregatio, exquisito voto Commissionis Liturgicae, omnibus- que accurate discussis atque perpensis, rescribendum censuit: Affirmative, dummodo Episcopus invitatus non sit ipsius Dioecesani Coadiutor, aut Auxiliaris aut Vicarius Generalis aut etiam Dignitas seu Canonicus in illius Ecclesiis. Sicut autem Cardinales Episcopi Suburbicarii aliique Titulares Ecclesiarum Urbis tantum Purpuratis Patribus thronum cedere possunt, ita Praesules Cardinales aliarum Dioecesium decet ut suum thronum nonnisi aliis eadem Cardinalitia dignitate ornatis cedant. Die 9 Maii 1899. Facta postmodum de his Sanctissimo Domino Nostro Leoni Papae XIII. per infrascriptum Cardinalem Sacrae Rituum Congregationi Praefectum relatione, Sanctitas sua Rescriptum Sacrae ipsius Congregationis ratum habuit et confirmavit, die 12 Junii, eodem anno. C. Card. MAZZELLA Prae/. L. f S. D. Panici Secret. DECRETUM. Instantibus aliquibus Parochis Sacrorum Rituum Congregationi sequens dubium propositum fuit: „An pro paupere defuncto cuius familia impar est solvendi expensas Missae exequialis cum cantu, haec Missa legi possit sub iisdem clausulis et conditionibus, quibus praefata Missa cum cantu conceditur. Et Sacra Eadem Congregatio, exequisito voto Commissionis Liturgicae, omnibusque rite expensis, rescribendum censuit: Affirmative, seu permitti posse in casu Missam exequialem lectam, loco Missae cum cantu, dummodo in dominicis aliisque festis de praecepto non omittatur Missa officio diei currentis respondens. Die 9 Maii 1899. Nr. 2347. Ordinarius thronum episcopalem antistiti extero cedere potest. / Nr. 2348. Missa exequialis pro pau- ribus defunctis potest esse lecta. 15
