Circulares literae dioecesanae anno 1899. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

III.

23

dioeceseos extendere dignaretur. Sacra porro Rituum Congregatio, utendo facultatibus sibi specialiter ab eodem Sanctissimo Domino Nostro tributis, Emmi et Rmmi Dni Oratoris precibus benigne annuit. Contrariis non obstantibus quibuscunque. Die 10. Januarii 1899.

L. S. C. Card. MAZZELLA m. p. Praef.

D. PANICI m. p. Secr.

Quibus iam praelibatis, nomine et auctoritate S. Sedis Apostolicae permitto, quatenus Litaniae S. S. Cordis Jesu, Pontificia auctoritate munitae, nullamque prorsus immutationem arbitrariam patientes, in omnibus et singulis archidioeceseos meae templis (etiam Regularium cuiuscunque ordinis et monialium) publice recitari possint ac valeant, dummodo tamen textus earumdem athenticus sit, quem exemplar impressum, heic adiectum exhibet, quique ab omnibus usurpari debet. Omnibus aliis versionibus, ad maiorem obtinendam uniformitatem, prohibitis.

Caeterum, licet harum Litaniarum usus quandocunque fieri possit, congruentius tamen earum recitatio fiet in devotionibus S. S. Cordis Jesu honoribus instituendis ; puta feria sexta, quae prima in mense occurrit, feriis item sextis Quadragesimae (missis Litaniis de Passione Domini, quae non licent, vide Directorium Strigonien. a. 1899. pag. XII.), necnon diebus, ubi Eucharistiae Sacramentum publicae fidelium venerationi aut perpetuae adorationi expositum est.

Consociationem ss. Altaris, quae in regni metropoli canonice erecta sedem habet, eumque in finem coaluit ut Christus Servator noster in Eucharistiae Sacra-5 mento latens perpetuo adoraretur, dein, ut egentioribus templis de ornatu, et supelNr. 921.

Consociatio is. Altaris in regni metropoli erecta commendatur

lectili sacra provideretur, non possum quin vehementer commendem. Nimirum piae confraternitatis sodales singulas diei noctisque horas inter se partiuntur ita, ut qualilibet, hora aliquis sodalis adorando ss. Altaris Sacramento incumbat. Iidem porro sodales suum, erga divinum Salvatorem, cuius deliciae sunt esse cum filiis hominum, amorem contestaturi obulos suos conferunt, qui in procurandam saeram supellectilem convertuntur, aut ipsi propriis manibus supellectilem et ornatum ecclesiarum praeparant atque elaborant. Quam praeclare cenfraternitatis huius sodales utrique suo fini respondeant, et praesertim quam bene de altaribus mereantur, vix verbis assequi possum et innumerae testantur pauperes ecclesiae, paramentis et vasis sacris, eorundem sodalium certante industria provisae. Aequum et iustum perinde censeo, ut consociationem hanc piam, nos quoque altaris ministri, decorem domus Dei diligere nati, foveamus finemque eius promoveamus. Omnes autem, dummodo velimus, piae huic sodalitati succurrere possumus, si non aere parato, acceptatis aliquot missis ad eiusdem intentionem gratis persolvendis. Praesentibus igitur ad singulos districtuum vicearchidiaconos mitto philyram inter fratres circulandam, cui nomen respectivi inscribant cum adnotatione missarum gratis persolvendarum, quae rite expleta mox ad Officium Archidioecesanum deducenda erit. Nemo autem sacra celebrare incipiat, nisi assignatione a sodalitatis Moderatore percepta.

et sacerdotes provocantur rt eam sacris gratis persolvendis succollent.