Circulares literae dioecesanae anno 1899. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XXIII.

177

dimittit et condonat criminum poenas. Qua amantissimae Matris mira pietate, de nostra omnium salute sempiterna sollicitae vel maxime, ad parem praestandam benignitatem impulsi ac incitati, praesentium serie omnibus huius nostrae Archidioeceseös sacerdotibus, secus examinatis, adprobatis atque ad excipiendas Christiiidelium confessiones deputatis, facultatem facimus generalem, quippe toto sanctioris anni cursu valituram, quatenus omnes utriusque sexus poenitentes, contritos, dispositos et rite confessos, a peccatis etiam, quorum absolutio alias Nobis reservata est, in exedra piaculari seu in actu sacramentalis confessionis et audita poenitentis integra confessione, sacramentaliter absolvere possint ac valeant.

Pari insuper ratione potestatem facimus omnibus sacerdotibus absolvendi ab excommunicatione latae sententiae et Nobis reservata, procurantes abortum, effectu secuto (vide constit. apóst. „Apostolicae Sedis“), item restituendi ius petendi, ex superveniente occulta affinitate amissum, debitum coniugale.

Haec autem absolvendi facultas a reservatis, anni sanctioris gratia omnibus concessa et communicata, minime ad eos extenditur casus, a quibus non tam nostra, quam potius S. Sedis Apostolicae auctoritate, vigore nempe facultatum quinquennalium, die 12 Nov. 1896 pro foro interno impetratarum, poenitentes absolvimus.

Cunctis item sacerdotibus, in hac alma archidioecesi facultate pro excipiendis alicuius ordinis aut congregationis monialium necnon religiosi instituti mulierum confessionibus rite instructis, praesentium serie potestatem ex venia Apostolica facimus, quatenus rogati, requisiti aut delecti, non tantum moniales et mulieres, quarum confessarium aut spiritualem agunt, verum omnes indiscriminatim moniales et personas quascunque superius sub IV. 1. recensitas, a quibuscunque peccatis, criminibus et censuris, etiam in bulla „Apostolicae Sedis“ Romano Pontifici speciali forma reservatis, in foro dumtaxat conscientiae sacramentaliter absolvere atque vota simplicia per eas privatim nuncupata, pariter in foro tantum conscientiae dispensando in alia pia opera commutare possint et valeant.

Quo vero moniales sacro hoc et acceptabili tempore conscientiae suae consulere valeant quam optime et maiorem confessariorum habeant delectum, nonnullos spectatae fidei ecclesiasticos viros deputandos constituimus, qui licet earum confessarii non sint, tamen per eas delecti, praedictas moniales et mulieres, Jubilaei Magni indulgentias lucrari cupientes, in exedra piaculari prima tantum vice sacramentaliter absolvere valeant. Sunt autem, hi ecclesiastici viri sequentes, et quidem ex clero saeculari: Rajner Ludovicus, 0. Csáky Carolus, Venczell Antonius, Walter Julius, Schlick Stephanus, Winter Augustinus, Zandt Edmundus, Schiffer Franciscus, Való Simon, Klempa Simon, C. Pongrácz Adolphus, Prohászka Ottocarus, Nemes Antonius, Andor Georgius, Pott Ferdinandus, Drexler Antonius, Pokorny Emmanuel, Zubriczky Alfredus, Krywald Ottó, Solymos Oscarus, Liba Victor, Böschatt Joannes, Kutschera Josephus, Török Michael, Zelliger Vilhelmus, Metzger Josephus, Aubermann Nicolaus, Milakovszky Stephanus, Uhlárik Joannes, Toldy Adalbertus, Sebesztha Otto.

Ex clero regulari: omnes ordinis Cisterciensis et Carmelitarum, item Societatis Jesu presbyteri, qui in hac archidioecesi iurisdictionem in exadra piaculari exercendam impetrarunt; necnon P. Ozorai Isidorus, P. Tokay Pius, P. Horváth Justinus,