Circulares literae dioecesanae anno 1899. ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

XXII.

164

III. Festo s. Silvestri I. P. C. seu die 31 Dec. et Dominica ultima anni huius labentis, loco sermonis sacri ex ambone solenniter praelegantur Sacrorum Hungáriáé regni Antistitum Literae communi nomine datae, mox imprimendae et dimittendae.

IV. Nocte, quae est 31 Dec. a. c. inter et 1 Januarii proximae instantis, vigore inferius positi Decreti, permittimus et vehementer cupimus, ut in omnibus cathedrali, collegiatis, parochialibus (item filialibus, si absque gravi incommodo fleri possit) necnon Regularium templis, hora noctis 12 expleta (et non prius), solemnis aut etiam lecta ea que unica celebretur coram patenter exposito Eucharistiae Sacramento, Missa de Circumcisione Domini, in qua (solemni) orationi sub una conclusione (in privata autem sub distincta) addatur collecta de SS. Corde, commemoratione SS. Sacr. omissa; permittimus item ut omnes utriusque sexus Christifideles confessi et expiati, sive infra sive extra Missae actionem, ad s. Communionem accedere valeant. Denique volumus, ut expleta Missa, antequam SS. Sacramentum reponatur, omnibus ad genua provolutis recitetur formula consecrationis ad ss. Cor Jesu. (Vide Cire. Dioec. a. 1899. Nr. X. pag. 38. et in appendice Directorii M. C. M.)

Parem facultatem facimus pro omnibus oratoriis publicis et semipublicis, dummodo ss. Eucharistiae expositio cum decore flat et sufficiens adorantium frequentia adsit.

V. Media nocte, quum novus ingruit annus, posteaquam celebrans Missam inceperit, omnes quas Ecclesia habet, pulsentur campanae.

VI. Hanc S. Sedis Apostolicae gratiam nostramque eatenus dispositionem, sacri curiones aut contionatores festo S. Stephani Protomartyris ex ambone publicabunt, lidelesque gravi sermone monebunt, ut divinis nocte ista extra suetum ordinem celebrandis, devotis animis eaque prorsus pietate interresse velint, quam Domus Dei sanctitudo atque tempus acceptabile requirit.

Pro nostra tandem omnium sollicitudine fidelium, ne quippe senes aut pueri, qui Missae eadem nocte celebrandae interessé haud potuere, beneficio s. sacrificii priventur et praecepto ecclesiae satisfacere non possint: praesentium serie, freti facultatibus ab Apostolica Sede die 27 Octobris 1896 ad quinquennium impetratis, et pro foro externo exercendis, permittimus et facultatem facimus omnibus et singulis ruralium ecclesiarum parochis, ubi nempe unicus tantum adest sacerdos, ut praeter hanc missam, media nocte celebrandam, aliam de die iterare possint ac valeant, ea tamen lege, quod pro neutra Missa stipendium ipsis acceptare fas esto.

Qui autem facultate hac per Nos tributa, sic dicta binandi utentur, ea omnia, quae in Directorio a. c. pag. 128 et seq. continentur, attente perlegant et religiose etiam servent.

OREMUS.

Deus, qui per Moysen famulum tuum populo Israelitico annum Jubilaei et remissionis instituisti: concede propitius nobis famulis tuis Jubilaei annum hunc, tua auctoritate institutum, feliciter inchoare, ut in eo venia et indulgentia plenae remissionis omnium delictorum obtenta, cum dies sanctae vocationis advenerit, ad coelestem gloriam perfruendam tuae misericordiae munere perducamur. Per Christum Dominum nostrum. Arnen.