Circulares literae dioecesanae anno 1898 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
III.
15) III. DUBIUM. R. P. Petrus Blerot e Congregatione SS. mi Redemptoris et director generalis Archiconfraternitatis a Sancta Familia nuncupatae, quae Leodii in Belgio anno 1844. canonice erecta, titulo Archiconfraternitatis anno 1847. ab Apostolica Sede decorata fuit, a Sacra Rituum Congregatione, de expresso consensu plurium R. morum Antistitum, sequentis dubii solutionem humillime flagitavit; nimirum: Utrmn, attentis decretis a Sacra Rituum Congregatione editis relate ad recitationem Litaniarum, continuari possit consuetudo, qua sodales praedictae Archiconfraternitatis in congressibus, ad quos in Ecclesiis et Oratoriis publicis, etiam ianuis clausis, ipsi soli admittuntur, et extra functiones liturgicas, non privatim sed communiter recitant quasdam Litanias, gesta et exempla Sanctae Familia, a qua nomen habent, referentes et a plerisque R. inis Ordinariis approbatas? Et Sacra eadem Congregatio, ad relationem subscripti Secretarii, exquisito voto Commissionis Liturgicae, omnibusque accurate perpensis, proposito dubio respondendum censuit: Serventur decreta, non obstante consuetudine. Atque ita rescripsit et servari mandavit. Die 11 Februarii 1898. Nr. 1686. Serventur decreta de Litaniis edita non obstante consuetudine. L. f S. C. CARD. MAZZELLA Ep. Praenestinus S. R. C. Praefectus. D. PANICI Secretarius. DUBIA. Praeter tres Litanias pro usu publico in universali Ecclesia approbatas, h. e., Litanias Sanctorum, Litanias B. M. V., et Litanias Ss. mi Nominis Iesu, peculiares quaedam Litaniae habentur ex. gr. de Sacratissimo Iesu Corde, Purissimo Corde B. M. V., aliaeque ab uno vel altero R. mo Ordinario pro usu tantum privato approbatae, quae idcirco neque in Breviario neque in Rituali Romano continentur. Quaeritur l.° num eiusmodi peculiares Litaniae ita strictim prohibeantur, ut Monialibus sive religiosis Institutis non liceat illas privatim canere vel recitare ad instar precum oralium? 2.° Et quatenus negative, num iisdem religiosis Familiis illas liceat canere vel recitare communiter in Choro, aut respectivo Oratorio? Nr. 1687. De Litaniis nova decisio. 4
