Circulares literae dioecesanae anno 1897 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

III.

23

ROMANA.

Nonnulli Ecclesiarum Rectores sequentia Dubia super legitima interpretatione Decreti Aucto, die 8 Iunii anno nuper elapso 1896 editi, circa Missas privatas de Requie, die et pro die obitus indultas, Sacrae Rituum Congregationi resolvenda humiliter proposuerunt, videlicet:

I. Privilegium circa Missas lectas de Requie ex praefato Decreto concessum sacellis sepulcreti, favetne sive Ecclesiae vel Oratorio publico ac principali ipsius sepulcreti, sive aliis Ecclesiis vel Capellis, extra coemeterium, subter quas ad legitimam distantiam alicuius defuncti cadaver quiescit ?

II. Missa privatae de Requie, quae sub expressis conditionibus celebrari possunt praesente cadavere, licitaene erunt in quibuslibet Ecclesiis vel Oratoriis sive publicis sive privatis ?

III. Huiusmodi Missae privatae de Requie celebrarine poterunt sine applicatione pro Defuncto, cuius cadaver est vel censetur praesens ?

IV. Eaedem pariter Missae possuntne celebrari diebus non duplicibus, qui tamen festa duplicia I classis excludunt, uti ex gr. feria IV Cinerum.

Et Sacra eadem Congregatio ad relationem subscripti Secretarii, exquisita sententia Commissionis Liturgicae, omnibusque mature perpensis, respondendum censuit:

Ad I. Negative ad utrumque.

Ad II. Affirmative, dummodo cadaver sit physice vel moraliter praesens; sed, si agatur de Ecclesiis et Oratoriis publicis, fieri debet etiam funus cum Missa exequiali.

Ad III. et IV. Negative.

Atque ita rescripsit et servari mandavit, die 12 Januarii 1897. CAI. Card. ALOISI MASELLA, S. R. C. Praef. (L. f S.) D. Panici, Secretarius.

Nr. 1914.

Dubia circa missas de Requie in Oratoriis sepulcreti.

i

PRECATIO.

„Concede nobis, Clementissime Deus, Beata Virgine Immaculata intercedente, ut nostrae poenitentiae lacrimis, noxas expiemus huius saeculi occidentis, atque exorientis initia ita paremus, ut totum sit deditum gloriae tui nominis et Regno Iesu Christi Filii tui, cui gentes omnes serviant in una fide et perfecta caritate. Amen.“ S. Cong. Indulg. Sacrisque Rei. praeposita, utendo facultatibus a SSmo Dno Nro Leone PP. XIII. sibi specialiter tributis, omnibus utriusque sexus Christi- fidelibus qui corde saltem contrito ac devote praedictam precem recitaverint, indulgentiam centum dierum, semel in die lucrandam benigne concessit, defunctis quoque applicabilem.

Praesenti valituro usque ad exitum anni 1901 absque ulla Brevis expeditione. Contrariis quibuscumque non obstantibus. Datum Romae, ex Secretaria eiusdem S. Congnis, die 7 Febr. 1897. Fr. HIER. M. Card. GOTTI, Praef. A. Archiep. Nicopolit. Secret. (L. f S.)

Nr. 1915.

Indulgentia Orationi pro sanctificando praesenti saeculo occidente alteroque exoriente.