Circulares literae dioecesanae anno 1897 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae
II.
16 Nr. 1094. Dispensatio in lege abstinentiae diebus ieiuniorum et sabbatis per annum. Post haec Reverendus Sacerdos Antonius Brugidou, qui ecclesiae aedificandae ab initio praefuerat, opus imperfectum dimisit; et Summus Pontifex, per suum Delegatum Illustrissimum ac Reverendissimum Dominum Archiepiscopum Constantini, Ecclesiae S. Ioachim et adnexorum, ut erant, in possessionem venit, mense Decembri elapsi anni 1896. Deinde Sanctitas Sua exemptum declaravit praefatum Sacerdotem Antonium Brugidou a directione tum Ecclesiae S. Ioachim cum Adorationis Reparatricis, sive ecclesia institutae. Quae cum ita sint, non amplius mittantur oportet ad laudatum Sacerdotem Antonium Brugidou oblationes Christifidelium sive pro ecclesia S. Ioachim, sive pro pio Opere Adorationis Repartaricis, sive pro throno eucaristio in ipsa ecclesia iam incoepto, sive etiam pro Missis celebrandis. Hae omnes oblationes mittendae sunt Romam ad Illustrissimum ac Reverendissimum Dominum Iosephum Mariam Constantini Archiepiscopum Patrensem, ad ipsas colligendas, probante Sanctissimo Domino Nostro, designatum. Dum haec significandi munus expleo, meas addo preces ut Amplitudo Tua de iiseem monere velit parochos, rectores ecclesiarum, Superiores domorum religiosarum aliosque pios offerentes in ista Dioecesi. Optimum videretur si Christifideles parocho sive ecclesiae rectori oblationes traderent mittendas ad Reverendissimam Curiam Dioecesanam, et ab hac Romam.1 Spes affulget fore ut piae oblationes non deficiant, quibus Ecclesia S. Ioachim perfici possit ; et conceptam spem maxime fovet perspecta pietas et fervens zelus Amplitudinis Tuae, cui singularis existimationis et obsequii mei significationes exhibeo. Romae die 19 Ianuarii 1897. Fr. Hieronimus Ma. Card. Gotti. Visitator Apus. Dno Cardinali Claudio Vaszary Archiepiscopo Strigonien. (Ungheria.) Strigonium. Quum libelli, quos, agente s. congr. Inquisitionis, sacrorum Hungáriáé Antistites, communia consilia excunte Novembri mense anni superioris conferentes, Beatissimo Patri eam ob causam porrexere supplices, ut S. Sede Apostolica benigne pro gratia annuente, exoptanda circa abstinentiam diebus ieiuniorum servandam, in universo regno statueretur uniformitas, necdum a respectiva s. congregatione expediti fuerint; hinc iis, ingruente quadragesimalis observantiae tempore, erit insistendum, quae alias in hoc negotio ac prae primis anno superiore per me statuta fuere. Quapropter sacri curiones, dispositionem Ordinarii quoad observantiam ieiunii quadragesimalis et dispensationem ab esu carnium, Dominica Quinquagesimae ex arnbone suis curiatis fidelibus promulgaturi, attente prius ea regustent, quae in Circul. Adioec. 1896. pag. 11. et 12. Nr. 741. impressa habentur. 1 Exterior epistolarum inscripto sit: — Ulmo ac Rmo Domino Iosepho Mariae Constantini Archiepiscopo Patrensi Eleemosynario Summi Pontificis — (Vaticano) Romam.
